লাডাখত প্ৰধানমন্ত্ৰী নৰেন্দ্ৰ মোডী : শান্তি ভংগ কৰিছে ‘সাম্ৰাজ্যবাদী’ চীনে ৷

0 1,115

দৈনন্দিন বাৰ্তা ডেস্ক :

আগতে কোনো খবৰ নিদিয়াকৈ শুকুৰবাৰে পুৱা প্ৰধানমন্ত্ৰী নৰেন্দ্ৰ মোডী লাডাখত উপস্থিত হয় ৷ গালৱানত সংঘৰ্ষ হোৱাৰ পাছত প্ৰধানমন্ত্ৰী মোডীৰ এয়াই প্ৰথম লাডাখ ভ্ৰমণ ৷ সীমান্ত চকীৰ পৰা সেনা চিকিৎসালয়লৈকে ঘুৰি জোৱানসকলৰ সৈতে প্ৰধানমন্ত্ৰীয়ে কথা পাতে ৷ বিশেষজ্ঞসকলৰ মতে প্ৰধানমন্ত্ৰীৰ এই ভ্ৰমণে সেনাৰ মনোবল বহু বঢ়াই তুলে ৷ ইয়াৰ লগতে চীনকো কঠোৰ বাৰ্তা দিলে ৷ প্ৰধানমন্ত্ৰীৰ সৈতে আছিল তিনি সেনা বাহিনীৰ প্ৰধান চিডিএছ জেনেৰেল বিপিন ৰাৱাট আৰু স্থল বাহিনীৰ প্ৰধ মনোজ মুকুন্দ নাৰভান ৷ নিমুত প্ৰধানমন্ত্ৰীয়ে কয়, ইতিহাস সাক্ষী, পৃথিৱীৰ পৰা সাম্ৰাজ্যবাদী শেষত হৈ গৈছে ৷ ইয়াৰ লগতে জোৱানসকলক ভূয়সী প্ৰশংসা কৰি কয়, ভাৰতমাতাৰ শত্ৰুৱে তোমালোকৰ অগ্নি দেখিছে ৷ এই পাহাৰৰ মাজত তোমালোকৰ বাহু শক্তিশালী ৷ তোমালোকৰ আত্মবিশ্বাস এই পাহাৰৰ চূড়াৰ দৰে অটল ৷ শুকুৰবাৰে পুৱা প্ৰধানমন্ত্ৰীৰ তৰফৰ পৰা এখন ছবি টুইট কৰে ৷ তাত দেখা গৈছে যে সেনাৰ তম্বুত বহি আছে মোডী ৷ লগত ৰাৱাট, নাৰভান আৰু সেনাৰ বিষয়ববীয়া ৷ সকলোৰে মাজত যথেষ্ট দূৰত্ব৷ প্ৰাপ্ত খবৰ মতে মোডীৰ সৈতে তাত সেনা, বায়ুসেনা আৰু আইটিবিপিৰ বিষয়াসকল আছিল ৷ প্রধানমন্ত্রী দপ্তৰৰ পৰা জনোৱা মতে নিমুত ৰয় প্ৰধানমন্ত্ৰী ৷ শুকুৰবাৰে দিনৰ ভাগত তাত উপস্থিত হয়৷ আজিয়েই ঘুৰি আহিব ৷ সিন্ধুৰ তীৰত এই নিমু সমুদ্ৰপৃষ্ঠৰ পৰা ১১ হাজাৰ ফুট উচ্চতাত আছে ৷ চাৰিওদিশে আছে জানস্কাৰ পৰ্বত শ্ৰেণী ৷ বিশ্বৰ কঠিনতম অঞ্চল বুলি ক’ব পাৰি৷ উল্লেখ্য যে বৃহস্পতিবাৰে প্ৰতিৰক্ষা মন্ত্ৰী ৰাজনাথ সিঙো লাডাখ যোৱাৰ কথা আছিল ৷ কিন্তু শেষ মুহূৰ্তত বাতিল হয় ৷ কিয় বাতিল হ’ল জনা নাযায় ৷ কিন্তু প্ৰধানমন্ত্ৰীয়ে নিজে লাডাখলৈ গৈ দিলে বাৰ্তা ৷ উল্লেখ্য যে ১৫ জুনত পূৱ লাডাখৰ গালৱানত ভাৰত-চীনৰ মুখামুখি সংঘৰ্ষত ২০ জন জোৱান শ্বহীদ হৈছিল ৷ চীনে প্ৰকাশ কৰা নাছিল হতাহতৰ সংখ্যা৷ তাৰ মাজতো জানিব পৰা মতে ৪৫ জন চীনা সেনা হতাহত হয় ৷ প্ৰধানমন্ত্ৰীয়ে কয় যে সমগ্ৰ পৃথিৱীত যেতিয়া ‘বিকাশবাদ’ প্ৰাসংগিক তেতিয়া ‘সাম্ৰাজ্যবাদী’ চীনে শান্তি ভংগ কৰিছে ৷ সকলো দেশতে ‘সাম্ৰাজ্যবাদী’ৰ বিৰুদ্ধে একগোট হৈছে বুলি তেওঁ কয় ৷ গালৱানৰ নিহতসকলৰ প্ৰতি শ্ৰদ্ধা জনাই মোডীয়ে কয়, গালৱানৰ যি বীৰত্ব আমি দেখিছো সেয়া সমগ্ৰ দেশে মনত ৰাখিব ৷ সমগ্ৰ বিশ্বক দেখুৱাই দিছে ভাৰত তথা ভাৰতীয় সেনা কিমান শক্তিশালী৷ আপোনালোকৰ সংকল্প এই উপত্যকাতকৈ শক্তিৰ ৷ আপোনালোকৰ ইচ্ছাশক্তি এই পৰ্বতৰ দৰেই অটল ৷ আমি সেইসকল তোক যি বাঁহিধাৰী শ্ৰীকৃষ্ণৰ ধ্বজা ধৰি সুদৰ্শন চক্ৰধাৰী শ্ৰীকৃষ্ণৰ আদৰ্শ মনা বুলি প্ৰসংগ ক্ৰমে প্ৰধানমন্ত্ৰীয়ে উল্লেখ কৰে ৷