নামখলাত ক’ভিড-১৯ত আক্ৰান্ত ৰূপম শইকীয়া ৷

0 1,066

নামখলা : দৰং জিলাত শুকুৰবাৰে ১৭ জনৰ দেহত ক’ভিড ধনাত্মকৰ বিপৰীতে মুঠ আক্ৰান্তৰ সংখ্যা ৩৮২ জনলৈ বৃদ্ধি পালে৷ বৃহস্পতিবাৰে দৰঙৰ ২ জন লোক  ক’ভিডত আক্ৰান্ত হোৱাৰ পিছত শুকুৰবাৰে পুনৰ ১৭ জন লোক আক্ৰান্ত হৈছে ক’ভিডত।  আক্ৰান্ত লোকসকলৰ ভিতৰত এগৰাকী চিকিৎসক থকাৰ বিপৰীতে এগৰাকী আৰক্ষীৰ লোক, ৩জন জোৱান, দুগৰাকী বেংকৰ কৰ্মচাৰী আৰু এজন ডাকঘৰৰ কৰ্মৰত লোক আছিল। উল্লেখযোগ্য যে এই লোককেইজনক ধৰি এতিয়ালৈকে দৰঙত ক’ভিডত আক্ৰান্ত লোকৰ সংখ্যা ৩৮২ জনলৈ বৃদ্ধি পালে। আনহাতে ১৪৬ জন লোক চিকিৎসাধীন হৈ আছে। তেনে সময়তে নামখলাৰ বজাৰ চ’কত ক’ভিড ধনাত্মক পোৱাত  আতংকিত হৈছে স্থানীয় ৰাইজ৷ কিয়নো নামখলা বজাৰ চ’কৰ প্ৰতিষ্ঠিত গেলামাল ব্যৱসায়ী তাৰেনী শইকীয়াৰ জেষ্ঠ পুত্ৰ ৰূপম শইকীয়াৰ দেহত পালে ক’ভিড পজিটিভ৷ স্বাস্থ্য পৰীক্ষাৰ ফলাফল পোৱা মাত্ৰকে ৰূপম শইকীয়াক স্বাস্থ্য বিভাগৰ লোকে ক’ভিড হাস্পতাললৈ স্থানান্তৰিত কৰে৷ জানিব পৰা মতে ৰূপম শইকীয়া ব্যৱসায় সুত্ৰে গুৱাহাটীৰ ফাছীবজাৰ পৰা সঘনাই অহা যোৱা হৈ আছিল৷ আনহাতে সেই গেলামাল দোকানখনৰ লগত জড়িত হৈ আছে আন এখন হোটেল৷ ইফালে গেলামাল দোকানখনৰ পৰাই স্থানীয় সৰু বৰ ব্যৱসায়ীয়ে বিভিন্ন সামগ্ৰী ক্ৰয় কৰে খুচৰা আৰু পাইকাৰী হিচাপে৷ সেয়ে বৰ্তমান স্থানীয় ৰাইজ গণসংক্ৰমণৰ আশংকাত আতংকিত ৷