দৰং জিলা প্ৰশাসনৰ চকুত ধুলি মাৰি বহিৰাগত কোম্পানীয়ে লুটি নিলে কোটি কোটি টকা ৷ ঘটনাত নাম সাঙোৰ খাইছে বিতৰ্কিত আৰক্ষী বিষয়া পি কে দওৰ নাম

দিপীলা, দৰং : এচ আই কাণ্ডৰ পিছত পুনৰ আন এক বিতৰ্কত নাম সাঙোৰ খাই পৰিছে চাকৰিৰ বেহা মেলা এচ আই কাণ্ডৰ মুল অভিযুক্ত পলাতক পি কে দত্তৰ নাম ৷ দৰং জিলা প্ৰশাসনৰ চকুত ধুলি মাৰি বহিৰাগত কোম্পানীয়ে জিলাখনৰ লগতে ৰাজ্যখনৰ পৰা লুটি নিলে কোটি কোটি টকা ৷ শীৰ্ষ আৰক্ষী বিষয়া পি কে দত্তৰ পৰা আদি কৰি জিলা উপায়ুক্ত, জিলা আৰক্ষী অধিক্ষক, খণ্ড উন্নয়ন বিষয়া, ৰাজহ চক্ৰ বিষয়াই স্থায়ী ঘৰ গননাৰ বাবে প্ৰতিলিপি প্ৰেৰণ কৰিছিল বহিৰাগত এচ বি নাম্বাৰিং ওৱকচ প্ৰাইভট লিমিটেড নামৰ কোম্পানীটোক ৷ যাৰ বাবে কোম্পানীটোক অৱশেষত ছিপাঝাৰ খণ্ড উন্নয়ন বিষয়াৰ কাৰ্যালয়ৰ অন্তৰ্গত পঞ্চায়ত এলেকাৰ পঞ্চায়তৰ সভাপতি সকলে ঘৰ গননা কৰিবলৈ লিখিত অনুমতি প্ৰদান কৰাৰ উপৰিও প্ৰতিজনৰ পৰা ৩০ টকা সংগ্ৰহ কৰিবলৈও লিখিত অনুমতি প্ৰদান কৰিছিল ৷ অৱশেষত জিলাখনৰ পাথৰিঘাট আৰক্ষী চকীৰ অন্তৰ্গত বৰমপুৰ পঞ্চায়তত বাহৰ পাতি থকা কোম্পানীটোৰ গননাত জড়িত দুই ব্যক্তিক ৰাইজে আৱদ্ধ কৰি চমজাই দিয়ে আৰক্ষীক ৷ কোম্পানীটোৰ গননাত জড়িত দুই ব্যক্তি ক্ৰমে ঘাগ্ৰাপাৰাৰ ধীৰেন শালৈ আৰু মৰোৱাৰ জীতেন বৈশ্যৰ বিৰুদ্ধে ভোক্তভোগী যুৱক এজনে ছিপাঝাৰ থানাত দাখিল কৰে এজাহাৰ ৷ ছিপাঝাৰ থানাত 676/20 নম্বৰত এটি গোছৰ ৰুজু কৰি 406/420/34 ধাৰাত তদন্ত অব্যাহত ৰাখিছে তদন্তকাৰী বিষয়া পাথৰিঘাট আৰক্ষী চকীৰ ভাৰপ্ৰাপ্ত আৰক্ষী বিষয়া মহেন্দ্ৰ শৰ্মাই ৷ উল্লেখ্য যে এচ বি নাম্বাৰিং ওৱকচ প্ৰাইভেট লিমিটেড নামৰ কোম্পানীটোৱে নম্বৰ ফলকত ব্যৱহাৰ কৰিছে স্বাস্থ্য বিভাগৰ NRHM ৰ প্ৰতীক চিহ্ন ৷ যদিহে তদন্তকাৰী আৰক্ষী বিষয়া গৰাকীয়ে পৰিকল্পিতভাৱে তদন্ত অব্যাহত ৰাখে তেনেহলে দৰং জিলাৰ লগতে ৰাজ্যখনৰ পৰা কোটি কোটি টকা লুণ্ঠন কৰি নিয়া কোম্পানীটোক সহযোগ কৰা বহু বিষয়া জালত পৰাৰ পূৰ্ণ সম্ভাৱনা আছে ৷ অৱশ্যে ছিপাঝাৰ খণ্ড উন্নয়ন বিষয়াৰ কাৰ্যালয়ৰ সেই সময়ৰ খণ্ড উন্নয়ন বিষয়া গৰাকীয়ে কোম্পানীটোক গননাৰ বাবে প্ৰতিলিপি প্ৰেৰণ কৰা কথাতো অস্বীকাৰ কৰিছে ৷ যদিহে খণ্ড উন্নয়ন বিষয়া গৰাকীৰ কথা সছা হয় তেনেহলে কোম্পানীতোৱে ভুৱা চহীৰে ৰাইজক প্ৰতাৰণা কৰি লুটি নিলে নেকি কোটি কোটি টকা ৷ আনহাতে জিলা উপায়ুক্ত গৰাকীৰ ভুমিকাও সন্দেহজনক ৷ কিয়নো সেই সময়ৰ জিলা উপায়ুক্ত গৰাকীয়ে কোম্পানীতোক স্থানী ঘৰ গননাৰ বাবে জিলাখনৰ প্ৰতিটো ৰাজহ চক্ৰ বিষয়াৰ কাৰ্যালয়লৈ বিহিত ব্যৱস্থা গ্ৰহনৰ বাবে প্ৰেৰণ কৰিছিল প্ৰতিলিপি ৷ অৱশ্যে সেই প্ৰতিলিপিত প্ৰতিজনৰ পৰা ৩০ টকা সংগ্ৰহ কৰাৰ ক্ষেত্ৰত উল্লেখ কৰা নাছিল কোনো তথ্য ৷ তেনেহলে কাৰ নিৰ্দেশত পাথৰিঘাট ৰাজহ চক্ৰ বিষয়াৰ কাৰ্যালয়ে কোম্পানীতোক প্ৰতিজনৰ পৰা স্বইচ্ছাই ৩০ টকা সংগ্ৰহ কৰিব বুলি পঞ্চায়ত সভাপতি সকললৈ প্ৰেৰণ কৰিছিল প্ৰতিলিপি ৷ ভোক্তভোগী ৰাইজে দাবী কৰিছে ঘটনাতোৰ মুখ্যমন্ত্ৰীৰ হস্তক্ষেপ ৷ এটা উচ্চ পৰ্যায়ৰ তদন্ত হলে বিতৰ্কিত আৰক্ষী বিষয়া পি কে দওৰ উপৰিও ৰাজ্যখনৰ লগতে দৰঙৰ বহুকেইজন বিষয়া জালত পৰিব ৷