মঙলদৈৰ শাকতোলা মথাউৰি চিঙি ৭ খন গাঁৱত বানৰ তাণ্ডৱ। বিধায়ক সহ ৩ বিভাগৰ তৎপৰতা, ২-৫ কোটিৰে হব পুণৰ নিৰ্মান। বানপীড়িত ৰাইজৰ ওচৰত বিধায়ক গুৰুজ্যোতি আৰু দৰং আছু।

0 1,195

মঙলদৈ : পশ্চিম মঙলদৈৰ ডাঁহী মৌজাৰ ৭ খনকৈ গাওঁ প্লাৱিত কৰিছে শেহতীয়া বানে। শুক্ৰবাৰে নিশা শাকতোলা নদীৰ কেওঁটপাৰা-কবিকাৰাৰ মাজৰ অংশ চিঙি পেলাই বাঢ়নী পানীয়ে৷ প্ৰায় ৪০ ফুট বহলকৈ চিঙি যোৱা অংশৰে পানী সোমায় বৃহত্তৰ অঞ্চলটোৰ গাওঁ সমূহলৈ। ইতিমধ্যে, কেওটপাৰা, কবিকাৰা, কলিতাপাৰা, হোদাপাৰা, ডাহী, জন্মিপাৰা, চোটো আঠিয়াবাৰী আদি বিভিন্ন গাৱত শাকতোলাৰ বাঢ়নী পানী সোমাই ৰাইজৰ মাজত আতংকৰ সৃষ্টি কৰিছে। মঙলদৈৰ যুৱ বিধায়ক গুৰুজ্যোতি দাসে নিশাই বানপীড়িত লোকৰ সকলৰ ওচৰত উপস্থিত হৈ  বানপীড়িত এলেকাত সোমাই ৰাইজক বুজনি দিয়াৰ লগতে আজি দিনৰ ভাগত শাকতোলাৰ পানী সোমাব পৰা সাম্ভাব্য সুৰুঙা সমূহ বন্ধ কৰিবলৈ জলসম্পদ, গড়কাপ্তানি আদি বিভাগকলৈ মাটি ভৰোৱা বস্তাৰে প্ৰতিৰোধ কৰা দেখা গৈছে। বিধায়কে গৰাকীয়ে প্ৰকাশ কৰামতে, পানী শুকালেই ২.৫ কোটি টকাৰে মথাউৰিটোৰ ১৯৩০ মিটাৰ পুনৰ নিৰ্মান কৰা হব বুলি ৰাইজক অৱগত কৰাৰ লগতে বানপীড়িত লোক সকলক চিন্তিত নহবলৈ আহ্বান জনাই বানে কোনো ধৰনৰ ক্ষতি কৰিব নোৱাৰাৰ ব্যৱস্থা কৰাৰ প্ৰতিশ্ৰুতি প্ৰদান কৰাৰ লগতে প্ৰতিটো সময় ৰাইজৰ ওচৰত থকাৰ আশ্বাস প্ৰদান কৰে। ইফালে মাথাউৰি ভঙাৰ খবৰ পোৱাৰ লগে লগে দৰং আছুৰ এটা দল তাত উপস্থিত হৈ ৰাইজৰ লগত হাতে কামে লাগি পৰে ৷