নগাঁও, ৯অক্টোবৰ : নগাঁও মহাবিদ্যালয়ৰ এন. এছ. এছ আৰু আভ্যন্তৰীণ মানদণ্ড আশ্বাসন কোষৰ উদ্যোগত আৰু উদ্ভিদ বিজ্ঞান বিভাগ, প্ৰাণী বিজ্ঞান বিভাগ আৰু উন্নত ভাৰত অভিযান কোষৰ সহযোগত ক’ৰোণা মহামাৰীৰ পৰিপ্ৰেক্ষিতত দেশৰ ভিন্ন প্ৰান্তৰ পৰা নগাঁও জিলালৈ প্ৰব্ৰজিত শ্ৰমিকৰ স্বনিয়োজনৰ বাবে আলংকাৰিক মৎস্য পালন, একুৰিয়াম নিৰ্মাণ, কাঠফুলাৰ খেতি, কেচু সাৰ উৎপাদন আৰু ব্যবসায়ৰ বাবে ১৬ আগষ্টৰ পৰা মাহ জোৰা কাৰ্যসূচী এক প্ৰশিক্ষণ শিবিৰ অনুষ্ঠিত হৈ যায়। প্ৰথম পৰ্যায়ত ১২ গৰাকী প্ৰব্ৰজিত শ্ৰমিকক উদ্ভিদ আৰু প্ৰাণী বিজ্ঞান বিভাগৰ অধ্যাপক-অধ্যাপিকা সকলৰ লগতে আলংকাৰিক মাছৰ যুৱ ব্যবসায়ী, নগাঁও মহাবিদ্যালয়ৰ প্ৰাক্তন ছাত্ৰ পাৰ্থৰথী হাজৰিকাই প্ৰশিক্ষণ প্ৰদান কৰে। উল্লেখ্যযোগ্য যে এই প্ৰশিক্ষণ কাৰ্যসূচীত নগাঁও জিলাৰ মীন বিষয়া ড০ ৰমেন চন্দ্র বৰ্মনে মীন বিভাগৰ বিভিন্ন আঁচনিৰ বিষয়ে প্ৰশিক্ষাৰ্থীসকলক বিশদভাবে বিৱৰণ দিয়াৰ লগতে ভাৰতীয় ষ্টেট বেংকৰ বিষয়া বেংকৰ পৰা প্ৰশিক্ষাৰ্থীসকলে লাভ কৰিব পৰা সাহায্য আৰু ঋণৰ বিষয়ে অৱগত কৰে। মাহজোৰা প্ৰশিক্ষণৰ অন্তত আজি মানপত্ৰ প্ৰদান অনুষ্ঠান অনুষ্ঠিত হৈ যায়। পাঠ্যক্ৰমৰ সমন্বয়ক তথা নগাঁও মহাবিদ্যালয়ৰ প্ৰকল্প বিষয়া ড০ ভূৱন চন্দ্র চুতীয়াই আঁত ধৰা আজিৰ এই অনুষ্ঠানত অধ্যক্ষ ড০ শৰৎ বৰকটকীয়ে আদৰনি ভাষন প্ৰদান কৰে। মানপত্ৰ প্ৰদান অনুষ্ঠানত মুখ্য অতিথি হিচাপে উপস্থিত থাকি নগাঁও সদৰ সমষ্টিৰ বিধায়ক ৰূপক শৰ্মাই নগাঁও মহাবিদ্যালয়ৰ এই ব্যতিক্রমী প্ৰয়াসক ভূয়সী প্ৰশংসা কৰে আৰু প্ৰশিক্ষাৰ্থীসকলক মান পত্ৰ প্ৰদান কৰে। শৰ্মাই লগতে প্ৰব্ৰজিত শ্রমিকৰ সংস্থাপনে ৰাজ্যখনৰ অৰ্থনৈতিক ভেঁটি সবল কৰাৰ লগতে আত্ম নিৰ্ভৰ অসম গঢ়াত সহায় কৰিব বুলি মন্তব্য কৰে। এই অনুষ্ঠানত প্ৰব্ৰজিত শ্ৰমিক ৰাজীৱ বৰাই নগাঁও মহাবিদ্যালয়ৰ এই প্ৰয়াসক প্ৰশংসা কৰে আৰু আলংকাৰিক মৎস্য পালনৰ যোগেদি স্বাৱলম্বনৰ পথ দেখা বুলিও ব্যক্ত কৰে। আজিৰ এই অনুষ্ঠানত অসম কলেজ শিক্ষক সংস্থাৰ সভাপতি বিশ্বজিৎ ভূঞা, উপাধ্যক্ষ ড০ ৰঞ্জন ভৰালী, আভ্যন্তৰীণ মানদণ্ড আশ্বাসন কোষৰ সমন্বয়ক ড০ কৃষ্ণকান্ত মেধী, প্ৰাণী বিজ্ঞান বিভাগৰ মুৰব্বী অধ্যাপক ললিত গগৈ, অধ্যাপক অধ্যাপিকাসকলৰ প্ৰমুখ্যে বহুসংখ্যক এন, এছ, এছ স্বেচ্ছাসেৱক উপস্থিত থাকে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- কাণৰ বিষঃ ঘৰুৱা প্ৰতিকাৰৰ দ্বাৰা কাণৰ বিষৰ পৰা সকাহ পাব পাৰি…
- দুদিনৰ বাবে বন্ধ থাকিব পেট্ৰ’ল পাম্প! ক’ত, ক’ত বন্ধ থাকিব পাম্প…
- বিল গেটছৰ সৈতে প্ৰধানমন্ত্ৰী মোদীৰ বাৰ্তালাপ: এআই, জলবায়ু পৰিৱৰ্তন আৰু মহিলা সবলীকৰণৰ ওপৰত মত বিনিময়…
- ড॰ নগেন শইকীয়ালৈ এছিয়াটিত ছ’চাইটীৰ সুকুমাৰ সেন স্মাৰক সোণৰ পদক…
- মাজবাট বিধানসভা সমষ্টিৰ বৰঝাৰৰ গাঁও পঞ্চায়তৰ বুথে বুথে কন্ঠশিল্পী সীমান্ত শেখৰৰ নিৰ্বাচনী প্ৰচাৰ….
- ছয় এপ্ৰিলত আৰ চি বিৰ বিৰুদ্ধে ‘পিংক প্ৰ’মিছ’ মেচ খেলিব ৰাজস্থান ৰয়েলছে…
- ধুবুৰী জিলাৰ গোলকগঞ্জত উপস্থিত ভূটানৰ ৰজা
- নগাঁৱৰ কঢ়ালীগাঁৱৰ ‘ৰঙ্গালয়’ত ছয়খনকৈ নাট মঞ্চস্থ, ‘দ্য লেছন’-য়ে বিশেষ ভাবে সন্মোহিত কৰিলে দৰ্শকক…
- বন্ধ্যাত্বৰ অন্যতম কাৰণ এণ্ডোমেট্ৰিয়াছিছ! এই ৰোগ কি? কেনে লক্ষণ দেখা পালে সাৱধান হ’ব…
- বজাৰৰ পৰা ফলমূল কিনি ফ্ৰীজত থৈ দিয়ে নেকি? গ্ৰীষ্মকালত ডায়েৰিয়াৰ সম্ভাৱনা কম কৰিবলৈ কেনেকৈ ধুব ফল-মূল…