কেন্দ্ৰৰ ওচৰত ৰিপৰ্ট জমা ইণ্টেলিজেণ্ট ব্যুৰৰ : যুৱকক কট্টৰপন্থী জেহাদী হোৱাৰ আহ্বান জাকিৰ নায়কৰ

অনলাইন বাৰ্তা : পিএছ টিভি ম’বাইল এপ, পিএছ টিভি নামৰ ইউটিউব চেনেল ফেচবুক পেজ ব্যৱহাৰ কৰি জাকিৰ নায়কে যুৱ সমাজৰ উদ্দেশ্যে জেহাদী ভাষণ দিছে ৷ কেন্দ্ৰৰ ওচৰত এই ৰিপৰ্ট জমা দিছে ইণ্টেলিজেণ্ট ব্যুৰই ৷ জাকিৰ নায়কৰ সকলো মিডিয়া নিষিদ্ধ কৰিবলৈ আৰম্ভ কৰিছে কেন্দ্ৰীয় চৰকাৰে ৷ আগতে পিএছ টিভি নিষিদ্ধ কৰিছিল চৰকাৰে ৷ এই চেনেলৰ জৰিয়তে পলাতক জাকিৰ নায়কে যুৱ সমাজক কট্টৰপন্থী জেহাদি হোৱাৰ আহ্বান জনাইছিল বুলি অভিযোগ উঠিছিল ৷ পিএছ টিভি বন্ধ পোৱাৰ পাচত ছ’চিয়েল মিডিয়াক হাথিয়াৰ কৰিছে জাকিৰ নায়কে ৷ ছ’চিয়েল মিডিয়াত এটাৰ পাচত এটাকৈ প্ৰৰোচনামূলক ভিডিঅ’ আপলোড কৰিছে এই ইছলামিক ধৰ্মগুৰুৱে ৷ তাৰ পৰা হিংসা বিয়পাইছে বুলি জনাইছে আইবিয়ে ৷ জানিব পৰা মতে গৃহ মন্ত্ৰালয়ৰ সৈতে আলোচনাত বহিছিল আইবি, এনআইএসহ দেশৰ একাধিক চোৰাংচোৱা সংস্থা ৷ তাতেই আইবিয়ে ৰিপৰ্ট জমা দিয়ে ৷ কোৱা হৈছে দেশৰ সৌহাৰ্দ্য পৰিৱেশ নষ্ট কৰাৰ চেষ্টা কৰিছে জাকিৰ নায়কে৷ দেশৰ বাহিৰত থাকি একাধিক মিডিয়া প্লেটফৰ্মত নিয়মিত প্ৰৰোচনামূলক ভিডিঅ’ আপলোড কৰিছে জাকিৰ নায়কে ৷ ফলত হিংসাৰ বাতাবৰণ সৃষ্টি হৈছে ৷