Breaking

আইপিএল-২০২০ত অভিলেখ গঢ়ি বেগুণীয়া টুপী হস্তগত কৰিলে যশপ্ৰীত বুমৰাহে

0 22

দৈনন্দিন বাৰ্তাৰ সেৱা, ৬ নৱেম্বৰঃ বিগত কিছুদিন ধৰি আইপিএলৰ বেগুণীয়া টুপীৰ দৌৰত দিল্লী কেপিটেলছৰ কাগিছো ৰাৱাডাৰ সৈতে যুঁজ চলি আহিছিল মুম্বাই ইণ্ডিয়ানছৰ যশপ্ৰীত বুমৰাহৰ। আইপিএল-২০২০ৰ প্ৰথমখন কোৱালিফায়াৰ মেচত দিল্লীৰ বিৰুদ্ধে খেলপথাৰত নামে বুমৰাহ। বুমৰাহে তেওঁৰ নিৰ্দিষ্ট ৪ অভাৰত ১৪ ৰাণৰ বিনিময়ত ৪টা উইকেট লৈ লাভ কৰে পাৰ্পল কেপ।

দিল্লীৰ বিৰুদ্ধে দুৰ্দান্ত প্ৰদৰ্শনৰে যশপ্ৰীত বুমৰাহে মেন অফ দ্য মেচ হোৱাই নহয় লগতে কেইবাটাও অভিলেখো গঢ়িবলৈ সক্ষম হৈছে। যশপ্ৰীত বুমৰাহে নিজৰ টী-২০ কেৰিয়াৰত ১৪ ৰাণত ৪ টা উইকেট লাভ কৰি শ্ৰেষ্ঠ বলিং প্ৰদৰ্শনৰ দৃষ্টান্ত গঢ়িছে। আইপিএল-২০২০ৰ প্লে-অফ মেচত মুম্বাই ইণ্ডিয়ানছৰ কোনো বলাৰৰ এইটোৱে বৰ্তমানলৈকে শ্ৰেষ্ঠ প্ৰদৰ্শন।

আনহাতে আইপিএলত এতিয়ালৈকে দুখন মেচত ৪টা কৈ উইকেট দখল কৰাৰ কৃতিত্বও বুমৰাহে লাভ কৰিছে। আইপিএলৰ এটা সংস্কৰণত কোনো ভাৰতীয় বলাৰে ২৭ টা উইকেট লাভ কৰাৰ অভিলেখো গঢ়িলে বুমৰাহে। এইক্ষেত্ৰত বুমৰাহে আন এগৰাকী ভাৰতীয় বলাৰ ভুৱনেশ্বৰ কুমাৰক অতিক্ৰম কৰিবলৈ সক্ষম হৈছে। আইপিএল-২০১৭ত ভুৱনেশ্বৰ কুমাৰে ২৬ টা উইকেট দখল কৰিছিল।