আই পি এল’ত আজি কলকতা বনাম বেঙ্গালুৰ, পাঞ্জাৱৰ হাতত পৰাস্ত দিল্লী, দুটা শতকীয় ইনিংছেৰে ধাৱানৰ অভিলেখ
দৈনন্দিন বাৰ্তা সেৱাঃ আই পি এল’ত আজি কলকতাৰ মুখামুখি হ’ব বেঙ্গালুৰ। চলিত বৰ্ষত কলকতাইল ৯ খন খেলৰ ৫ খনত জয়ী হৈ পইন্ট তালিকাত ৪ নম্বৰত থকাৰ বিপৰীতে বেঙ্গালুৰে ৯ খন খেলৰ ৬ খনত জয়ী হৈ পইন্ট তালিকাৰ ৩ নম্বৰত স্থানত অৱস্থান কৰিছে৷ আজিৰ কলকতা বনাম বেঙ্গালুৰ খেলখন আবু ধাবীৰ খেলপথাৰত ৭.৩০ বজাৰ পৰা আৰম্ভ হ’ব৷
আনহাতে আইপিএলত মঙ্গলবাৰে অনুষ্ঠিত পাঞ্জাৱ বনাম দিল্লী খেল খনত দিল্লীয়ে প্ৰথমে বেটিং কৰি পাঞ্জাৱৰ সন্মুখত ১৬৫ ৰানৰ লক্ষ্য বান্ধি দিয়ে। উক্ত খেলখনত লক্ষ্যত উপনীত হৈ ৫ উইকেটত পাঞ্জাৱে জয়লাভ কৰে৷ উল্লেখনীয় যে, পৰাজয়ৰ মুখ দেখিলেও আই পি এলৰ ১৩ বছৰীয়া ইতিহাসত ক্ৰমাগত দুটা শতকীয় ইনিংছেৰে শিখৰ ধাৱানৰ অভিলেখ সৃষ্টি কৰে।