অসমৰ মাটিত বদৰুদ্দিন সম্পকীয় কথা বতৰা নপতাই ভাল : পদ্ম হাজৰিকা

জামুগুৰিহাট, ৯ অক্টোবৰ:- অসমৰ মাটিত বদৰুদ্দিন আজমল সম্পকীয় কথা বতৰা আজিৰ তাৰিখত নপতাই ভাল। কাৰণ তেওঁ লোকৰ চিন্তা, লক্ষ্য, পৰিকল্পনা, আচনি সকলো খিলঞ্জীয়া বিৰোধী । এই মন্তব্য চতিয়াৰ বিধায়ক পদ্ম হাজৰিকাৰ। গোৱালপাৰা জিলাৰ কাৰবালাত অনুষ্ঠিত ৰাজহুৱা সভাৰ বেনাৰত অসমীয়া ভাষাৰ পৰিবৰ্তে আজমলে আৰবী ভাষা ব্যৱহাৰ কৰাৰ সম্পকত প্ৰতিক্ৰিয়া প্ৰকাশ কৰি চতিয়াৰ বিধায়ক গৰাকীয়ে আজি জামুগুৰিহাটত এইদৰে কয়ে। চতিয়াৰ বিধায়ক গৰাকীয়ে লগতে খিলঞ্জীয়া বিৰোধী এই শক্তিটোক প্ৰতিৰোধ কৰিবৰ বাবে সকলো একত্ৰিত হৈ খিলঞ্জীয়া ৰাইজে ঐক্যবদ্ধ পদক্ষেপ গ্ৰহণ কৰাৰ প্ৰয়োজন আছে বুলিও মন্তব্য কৰে।