গৰম সহ্য কৰাটো সকলোৰে বাবে সহজ নহয় আৰু ফিট হৈ থাকিবলৈ আপোনাৰ ওজন কমাটোও গুৰুত্বপূৰ্ণ। এনে পৰিস্থিতিত কিছুমান খাদ্য খাওক যিবোৰে আপোনাক গৰমত সকাহ দিব।আনহাতে যদি আপুনি ওজন কমাব বিচাৰে তেন্তে ইয়াৰ বাবে শৰীৰত পানীৰ উপস্থিতি থকাটো প্ৰয়োজনীয়। জানো আহক গৰমত কি কি ফল-মূল খালে গৰমৰ পৰা সকাহ পোৱাৰ লগতে ওজনো কমাব পাৰিব…
তৰমুজ এনেকুৱা এটা ফল যিটোত পানীৰ পৰিমাণ বেছি আৰু কেলৰি কম যদিও ভিটামিন আৰু এণ্টি অক্সিডেন্ট বেছি। এইবোৰ ফলে গ্ৰীষ্মকালত সকাহ দিয়ে। লগতে যদি নিয়মিতভাৱে খোৱা হয় তেন্তে ওজন কমাবলৈ সহজ হৈ পৰে।
তিয়হ বেছিভাগেই পানীৰে গঠিত আৰু ই কম কেলৰিযুক্ত খাদ্য। এই কাৰণেই হাইড্ৰেটেড হৈ থাকিবলৈ আৰু ওজন কমাবলৈ ই এক উপকাৰী খাদ্য।
আজিকালি বিলাহী অবিহনে বহু ৰেচিপিৰ সোৱাদ অসম্পূৰ্ণ যেন লাগে যদিও বিলাহী চালাড হিচাপেও খাব পাৰে। বিলাহীক শৰীৰক জলসিঞ্চিত কৰি ৰখাৰ সহজ উপায় বুলি গণ্য কৰা হয় আৰু লগতে ওজন নিয়ন্ত্ৰণত ৰাখে।
সাধাৰণতে কমলাক ৰোগ প্ৰতিৰোধ ক্ষমতা বৃদ্ধিৰ এক গুৰুত্বপূৰ্ণ উপায় বুলি গণ্য কৰা হয়, কাৰণ ই ভিটামিন চিৰ এক সমৃদ্ধ উৎস। ইয়াৰ উপৰিও ইয়াত প্ৰচুৰ পৰিমাণে আঁহ থাকে। এইবিধ অতি ৰসাল ফল যাৰ ফলত শৰীৰত পানীৰ অভাৱ নহয়।