আবুল হাছেম :
বাঘজান অগ্নিকাণ্ডৰ উচিত তদন্তৰ দাবী উত্থাপন কৰিছে ইত্তেহাদ ফ্ৰন্ট অসম ৰাজ্যিক সমিতিৰ সভাপতি নুৰ ইছলামে। এক প্ৰেছ বিবৃতিযোগে ইত্তেহাদ ফ্ৰন্ট, অসম ৰাজ্যিক সমিতিৰ সভাপতি নুৰ ইছলাম, সাধাৰণ সম্পাদক অধিবক্তা বাহাৰুল আমিন, অধিবক্তা দেৱান শ্বহিদুল ইছলামৰ স্বাক্ষৰিত দিয়া এক প্ৰেছ বিজ্ঞপ্তিৰ জড়িয়তে জনাই যে তিনিচুকীয়া ডুমডুমা ৰাজহ চক্ৰৰ অন্তৰ্গত বাঘজানত অইল ইণ্ডিয়া লিমিটেডৰ পাঁচ নম্বৰ তৈলক্ষেত্ৰত যোৱা ২৭ মে’ৰ পৰা নিৰ্গত হৈ থকা গেছ আৰু তেল নিয়ন্ত্ৰণ কৰিবলৈ যোৱাত অগ্নিকাণ্ডৰ সূত্ৰপাত ঘটাৰ ফলত বৃহৎ ক্ষতি সাধন হোৱাৰ বাতৰিয়ে অসমবাসীক আতংকিত কৰি তুলিছে৷ জন এনাৰ্জি নামৰ বহিঃৰাজ্যৰ কোম্পানীৰ দ্বায়িত্ব থকা বাঘজান তৈলক্ষেত্ৰত যোৱা ২৭ মে’ৰ পৰা নিৰ্গত হৈ থকা গেছ আৰু তেল নিয়ন্ত্ৰণ কৰাত ব্যৰ্থ সংশ্লিষ্ট কৰ্তৃপক্ষই যাৰ ফলত জুইয়ে আগুচি লৈছে বৃহৎ অঞ্চল৷ উক্ত অগ্নিকাণ্ড নিয়ন্ত্ৰণ কৰিবলৈ গৈ প্ৰাণ আহুতি দিয়া অইল ইণ্ডিয়াৰ কৰ্মচাৰী ক্ৰমে দুৰ্লভ গগৈ আৰু তীখেশ্বৰ গগৈ ডাঙৰীয়াৰ বিদ্বেহী আত্মাৰ চিৰশান্তি কামনা কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিছে সভাপতি নুৰ ইছলামে৷কাৰ হেমাহিৰ বাবে এই অগ্নিকাণ্ড সংঘটিত হৈছে এই সমগ্ৰ বিষয়টো ওপৰত উচিত তদন্ত ঘোষনা কৰা ও অইল ইণ্ডিয়া দুই কৰ্মচাৰী ক্ৰমে সৰ্গীয় দুৰ্লভ গগৈ আৰু তীখেশ্বৰ গগৈ ডাঙৰীয়াৰ পৰিয়ালৰ এজনকৈ লোকক চৰকাৰী চাকৰি প্ৰদান কৰা লগতে মৃত্কৰ পৰিয়ালক ১ কোটীকৈ টকা প্ৰদান কৰা আৰু ক্ষতি গ্ৰস্থ লোক সকলক উপযুক্ত ক্ষতি পূৰণ দিয়াৰ দাবী জনাইছেঁ, ইত্তেহাদ ফ্ৰন্ট, অসম ৰাজ্যিক সমিতিৰ সভাপতি নুৰ ইছলামে৷