মাৰ্কিন ৰাষ্ট্ৰপতি হিচাপে নিৰ্বাচিত হৈয়ে জো বাইডেনৰ প্ৰতিশ্ৰুতিঃ সমাজক একতাৰে গঢ়িম, সমাজলৈ নানো বিভাজন

দৈনন্দিন বাৰ্তাৰ সেৱা, ৮ নৱেম্বৰঃ অৱশেষত তীব্ৰ প্ৰতিদ্বন্দিতাৰ পাছত ইতিহাস ৰচনা কৰি জো বাইডেন হল ৪৬সংখ্যক মাৰ্কিন ৰাষ্ট্ৰপতি। আনহাতে ভাৰতীয় মূলৰ কমলা হেৰিছ আমেৰিকাৰ উপ-ৰাষ্ট্ৰপতি পদত নিৰ্বাচিত হৈছে। ৰাষ্ট্ৰপতি হিচাপে নিৰ্বাচিত হোৱাৰ পিছতে জো বাইডেনে প্ৰতিশ্ৰতি প্ৰদান কৰি কয়, তেওঁ সমাজলৈ বিভাজন নহয় আনকি একতা আনিব।

জো বাইডেনে লগতে কয়, তেওঁ এনে এজন ৰাষ্ট্ৰপতি হব যিয়ে আমেৰিকাৰ ৰাজ্য সমূহক ৰঙা আৰু নীলা ৰঙেৰে নহয় তাৰ বিপৰীতে এখন সংযুক্ত ৰাষ্ট্ৰৰুপে চাব আৰু সম্পূৰ্ণ ক্ষমতা তথা দৃঢ়তাৰে জনসাধাৰণৰ বিশ্বাস জয় কৰিবলৈ চেষ্টা কৰিব।

মাৰ্কিন ৰাষ্ট্ৰপতি হিচাপে নিৰ্বাচিত হোৱাৰ পিছত জো বাইডেনে নিজৰ টুইটাৰ একাউন্টত এনেদৰে প্ৰকাশ কৰে- I pledge to be a President who seeks not to divide, but to unify. Who doesn’t see Red and Blue states, but a United States. And who will work with all my heart to win the confidence of the whole people.