দৰঙৰ ছিপাঝাৰ খণ্ড উন্নয়ন বিষয়া হিচাপে মনিকা বৰগোহাঁইৰ যোগদান
দৰং
ছিপাঝাৰ উন্নয়ন খণ্ডৰ খণ্ড উন্নয়ন বিষয়া হিচাপে মঙগলবাৰে কাৰ্যভাৰ গ্ৰহণ কৰে মনিকা বৰগোহাঁয়ে৷ দৰং জিলা পৰিষদৰ মুখ্য কাৰ্যবাহী বিষয়া ৰমেন মালাকাৰৰ উপস্থিতিত ছিপাঝাৰ উন্নয়ন খণ্ডত ভাৰপ্ৰাপ্ত খণ্ড উন্নয়ন বিষয়া হিচাবে কাৰ্যভাৰ গ্ৰহণ কৰে৷ ইয়াৰ পূৰ্বে মনিকা বৰগোহাঁই দলগাঁও শিয়ালমাৰী উন্নয়ন খণ্ডত ভাৰপ্ৰাপ্ত খণ্ড উন্নয়ন বিষয়া হিচাবে কৰ্মৰত আছিল৷ ছিপাঝাৰ উন্নয়ন খণ্ডত দীৰ্ঘদিনৰ পৰা খণ্ড উন্নয়ন বিষয়া নথকাত ২৫ টাকৈ পঞ্চায়ত এলেকাৰ গাঁও সমূহত উন্নয়নৰ ক্ষেত্ৰত যথেষ্ট আহুকালৰ সন্মুখীন হৈছিল৷ কাৰ্যভাৰ গ্ৰহণ কৰিয়ে মনিকা বৰগোহাঁইয়ে সাংবাদিকক জানিবলৈ দিয়ে যে প্ৰধানমন্ত্ৰী আবাস যোজনাৰ অধীনৰ গৃহসমূহ সম্পূৰ্ণ কৰাত গুৰুত্ব প্ৰদান কৰাৰ উপৰি বৰ্তমান সময়ত ক’ভিড-১৯য়ে যি মহামাৰী ৰূপ ধাৰণ কৰিছে এই ক্ষেত্ৰত ৰাইজক সজাগ সচেতন কৰি যোদ্ধাৰ ভূমিকা পালন কৰিব বুলি জানিব দিয়ে৷