যোৰহাট জিলাৰ চাহ জনজাতি উন্নয়ন পৰিষদৰ অধ্যক্ষই টীয়ক-মৰিয়নি সাংবাদিকৰ মাজত বিতৰণ কৰিলে খাদ্যসামগ্ৰী
টীয়কৰ পৰা অঞ্জন প্ৰকাশ ।
যোৰহাট জিলাৰ চাহ জনজাতি উন্নয়ন পৰিষদৰ অধ্যক্ষ তৰুণ ৰাজোৱাৰে টীয়কৰ কলিয়াপানী ব্লক বিজেপিৰ কাৰ্যালয়ত আজি টীয়ক প্ৰেছ ক্লাৱৰ সদস্যসলক কিছু খাদ্য সামগ্ৰী যোগান ধৰে।ক’ৰোণা মহামাৰীৰ আতংকৰ সময়ত সাংবাদিকসকলে নিজৰ জীৱন তথা পৰিয়ালৰ কথা নাভাবি জৰুৰীকালীন অৱস্থাটো বাতৰি সংগ্ৰহ কৰি সাধাৰণ জনতাক সজাগ তথা তথ্য অৱগত কৰাৰ ক্ষেত্ৰত যি ভূমিকা গ্ৰহণ কৰিছে তাৰ প্ৰতি সহাৰি প্ৰদৰ্শন কৰি সাধ্য অনুসৰি চাউল,ডাইল,আলু,পিয়াজ,নিমখ,বিস্কুট আদিৰ টোপোলা বিতৰণ কৰে আৰু সকলোকে অধিক সতৰ্কতাৰে নিজৰ গুৰুদ্বায়িত্ব পালন কৰিবলৈ আহ্বান জনায়। উল্লেখযোগ্য যে অধ্যক্ষগৰাকীয়ে ইয়াৰ পূৰ্বে মৰিয়নি প্ৰেছ ক্লাৱৰ সদস্য সকলৰ মাজতো খাদ্য সামগ্ৰী বিতৰণ কৰি সাংবাদিকসকলৰ প্ৰতি কিছু সহায়ৰ হাত আগবঢ়াইছে বুলি জানিবলৈ দিছে।