লাহৰিঘাট আঞ্চলিক সাংবাদিক সন্থাৰ উদ্যোগত সাংবাদিকৰ বাৰ্তালাপ অনুষ্ঠান…

প্ৰত্যেক বছৰৰ দৰে এইবাৰও লাহৰিঘাট আঞ্চলিক সাংবাদিক সন্থাৰ উদ্যোগত ৩০ আৰু ৩১ ডিচেম্বৰ ২০২৩ তাৰিখে দুদিনীয়াকৈ স্থানীয় ৰাইজ, জেষ্ঠ নাগৰিক আৰু বিভিন্ন দল সংগঠন সমূহৰ বিষয়ববীয়া সকলৰ লগত সাংবাদিকৰ বাৰ্তালাপ অনুষ্ঠান ২০২৩ অনুষ্ঠিত হয়। উক্ত অনুষ্ঠানত দীৰ্ঘদিন ধৰি বিভিন্ন সামাজিক কামত সেৱা আগবঢ়াই অহাৰ লগতে সাংবাদিক হিচাপেও নিস্বাৰ্থ, নিৰপেক্ষভাৱে ৰাইজৰ বিভিন্ন সমস্যা সুন্দৰ ভাবে উপস্থাপন কৰি অহা প্ৰাক্তন সাংবাদিক আকাবৰ আলীক ফোলাম গামোচা, স্মাৰক আৰু জাপিৰে বিশেষ ভাবে সম্বৰ্ধনা জনাই। আলীয়ে দৈনিক বাতৰি কাকত আৰু গণ জীৱন কাকতত সেৱা আগবঢ়াইছিল। আলীক বিশেষ ভাবে সম্বৰ্ধনা জনোৱাৰ বাবে বিভিন্ন দল সংগঠন সমূহে লাহৰীঘাট আঞ্চলিক সাংবাদিক সন্থাক ভূয়সী প্ৰশংসা কৰে।