জুলীৰ দৰিদ্ৰ মেধাৱী ছাত্ৰ জিতুমণি নাথক অৰ্থসাহাৰ্য্য প্ৰদান অমৰ শিশুপ্ৰাণ মেমৰিয়েল ট্ৰাষ্টৰ ।

উজনি-মাজুলী

সদ্যঘোষিত হাইস্কুল শিক্ষান্ত পৰীক্ষাত ৮৯.১৬ শতাংশ নম্বৰলৈ আটাইকেইটা বিষয়তে লেটাৰসহ ডিস্টিংচন পোৱা দৰিদ্ৰ মেধাৱী ছাত্ৰ জিতুমণি নাথৰ বিষয়ে সংবাদ মাধ্যমত প্ৰকাশিত বাতৰিৰ পিছতে তেওঁক সহায়ৰ বাবে আগবাঢ়ি আহিছে মাজুলীৰ বিভিন্ন সুহৃদ সংগঠন | আজি বিয়লি পহুমৰা নাথ গাঁওৰ নিৱাসী পৰশুৰাম নাথ আৰু ৰঞ্জুমণি নাথৰ সুযোগ্য পুত্র জিতুমণি নাথৰ গৃহত অমৰ শিশুপ্ৰাণ অমৰেন্দ্ৰ বৰুৱা মেমৰিয়েল ট্ৰাষ্টৰ বিষয়ববীয়া তথা খৰিছাখোৱা প্ৰাথমিক বিদ্যালয়ৰ প্ৰধান শিক্ষয়িত্ৰী অনুপ্ৰভা দেৱী, কবি-সাংবাদিক  পাপু বৰা, মাজুলী জিলা সাহিত্য সভাৰ নবনিৰ্বাচিত সম্পাদক মনোজ্যোতি ৰেগন, প্ৰাক্তন ছাত্রনেতা শংকুসিদ্ধ নাথ উপস্থিত হৈ ছাত্রীগৰাকীক কিছু আৰ্থিক সাহাৰ্য্য আৰু লেখন সামগ্ৰী প্ৰদান কৰে | অমৰ শিশুপ্ৰাণ মেমৰিয়েল ট্ৰাষ্টে দুদিনপূৰ্বেও দৰিদ্ৰ মেধাৱী ছাত্ৰী আৰতি হাটীমতাক আৰ্থিক সাহাৰ্য্য প্ৰদান কৰিছিল | ট্ৰাষ্টৰ বিষয়ববীয়াসকলৰ এনে মহান পদক্ষেপৰ শলাগ লৈছে মাজুলীৰ সচেতন সমাজে |