কপিলী নৈৰ বাঢ়নী পানীৰ কৱলত কামপুৰ

নগাঁও

ক’ৰোনা ভাইৰাছ সংক্ৰমণৰ ভয়াবহতা মাজতেেই বছৰৰ প্ৰথমটো বানৰ কবলত পৰিছে ৰাজ্যৰ বিভিন্ন অঞ্চল। বিগত কেইটামান দিন ধৰি হোৱা নেৰানেপেৰা বৰষুণৰ ফলত ফেনে ফুটোকাৰে উফন্দি উঠিছে কপলী নৈৰ পানী। আজি কপিলী নৈৰ মথাউৰিৰ ওপৰৰে পানী  বাগৰা ফলত কামপুুুৰৰ বকলুগুৰি আৰু চিমলাইকে ধৰি বিস্তৃৰ্ণ অঞ্চল প্লাবিত হৈ পৰে। বকুলগুৰি গড়কাপ্তানী পথৰ ওপৰত কপলী নৈৰ পানী বাগৰি একঁকাল পৰ্যন্ত পানী হোৱাৰ লগতে কপিলী নৈৰ পানী পথৰ ওপৰৰে তীব্ৰ বেগত বাগৰাৰ ফলত এক ভয়ংকৰ পৰিস্থিতিৰ সৃষ্টি হয়।পথৰ ওপৰেদি পানী বাগৰাৰ ফলতেই   বকুলগুৰি, পদুমনি আৰু চিমলাইকে ধৰি  কেইবাখনো গাঁওত পানী সোমাই এতিয়া হাহাকাৰ অৱস্থাৰ সৃষ্টি হৈছে৷ বকুলগুৰি আৰু চিমলাই অঞ্চলৰ প্ৰায় সহস্ৰাধিক বাসগৃহৰ ভিতৰে বাহিৰে এতিয়া পানী ৷ বহু লোক পানীৰ মাজতেই  বাসগৃহতে আবদ্ধ হয় থাকিবলগীয়া হৈছে৷ এবকু পানীৰ মাজত অঞ্চলকেইটাৰ বাসিন্দাসকলৰ লগতে পশুধনসমূহৰ বিলাই-বিপত্তি নোহোৱা হৈছে। আজি দুপৰীয়া ভাগলৈকে জিলা প্ৰশাসনৰ কোনো লোক অঞ্চলকেইটাত উপস্থিত হোৱা নাই। স্হানীয় ৰাইজে তেওঁলোকক উক্ত স্হানৰ পৰা কোনো নিৰাপদ ওখ স্হানলৈ স্হানান্তৰিত  কৰিবৰ বাবে জিলা প্ৰশাসনক অনুৰোধ জনাইছে।