শুক্ৰবাৰৰ নিশা কচুৱা আৰক্ষীয়ে গোপন সূত্ৰৰ ভিত্তিত কচুৱা থানাৰ অন্তৰ্গত সোণাৰুগুৰিৰ দিলোৱাৰ হুছেইনৰ নামৰ লোকজনৰ বাসগৃহত অভিযান চলাই । কচুৱা থানাৰ ভাৰপ্ৰাপ্ত আৰক্ষী বিষ ৰাজা ঈৰশ্বাদৰ নেতৃত্বত চলা অভিযানৰ দুটা চাবোনৰ বাকচত ২৬.২০ গ্ৰাম সন্দেহযূক্ত হেৰ’ইন আৰু ৩.১১৪ কেজি ভাং জব্দ কৰে আৰক্ষীয়ে।
আনফালে ড্ৰাগছ সৰবৰাহৰ লগত জড়িত থকা অভিযোগত মহিলাসহ তিনিজন লোকক আটক কৰে আৰক্ষীয়ে । আৰক্ষীয়ে আটক কৰা ব্যক্তি কেইজন ক্ৰমে দিলোৱাৰ হুছেইন(৫০) আৰু দিলোৱাৰ হুছেইনৰ দুই পত্নী ক্ৰমে সাজিদা বেগম -৩৭ আৰূ চুলেমা খাতুন(২৬)।ইতিমধ্যে আৰক্ষীয়ে তিনিও বিৰুদ্ধে এক গোচৰ ৰজু কৰি গ্ৰেপ্তাৰ কৰা বুলি জনা গৈছে।
