কাজিৰঙা ৰাষ্ট্ৰীয় উদ্যান পৰিদৰ্শন শীৰ্ষ বন বিষয়াৰ ।অতিৰিক্ত প্ৰধান মুখ্য বন সংৰক্ষক এম. কে. যাদৱৰ সংবাদ মেল ।
কলিয়াবৰ :
কাজিৰঙা ৰাষ্ট্ৰীয় উদ্যানৰ কঠাল চাং বন শিৱিৰত অনুষ্ঠিত হয় এক সংবাদ মেল। কলিয়াবৰ আৰক্ষী তথা বিশেষ কৰ্তব্যৰত বাহিনীৰ সহযোগত কাজিৰঙা ৰাষ্ট্ৰীয় উদ্যান কৰ্তৃপক্ষই চাৰি চোৰাং চিকাৰী আটক কৰি এক সফল অভিযান সম্পন্ন কৰে। যাদৱে সামূহিক প্ৰচেষ্টাৰ জৰিয়তে কাজিৰঙা ৰাষ্ট্ৰীয় উদ্যানৰ গঁড় চিকাৰীক প্ৰতিৰোধ কৰিবলৈ সক্ষম হ’ব বুলি মত প্ৰকাশ কৰে। জখলাবন্ধা আৰক্ষী নিৱেশৰ ভাৰপ্ৰাপ্ত আৰক্ষী বিষয়া নিপু কলিতাৰ সহযোগত মহকুমা আৰক্ষী বিষয়া মৃন্ময় দাসৰ নেতৃত্বত জখলাবন্ধা আৰক্ষীৰ এক অভিযান কালত জালত পৰে চাৰি চাৰি গড়ঁ চিকাৰী। ধৃত গঁড় চিকাৰী চাৰিটা চামগুৰি কাৱৈমাৰীৰ জমিৰ আলি, কুঠৰীৰ বাবুল আলি, কাৰ্বি-আংলং হাওৰাঘাটৰ হেমাৰী ইংতি, কাংবুৰা টক্বি বুলি চিনাক্ত কৰিছে আৰক্ষীয়ে। ধৃত গড়ঁচিকাৰী চাৰিটাৰ পৰা পাচঁ ৰাউণ্ড সজীৱ গুলী, চাৰিটা ম’বাইল ফোন জব্দ কৰে। জখলাবন্ধা আৰক্ষীয়ে অস্ত্ৰ আইনৰ অধীনত এক গোচৰ ৰুজু কৰি অব্যাহত ৰাখিছে তদন্ত। সংবাদ মেলত কাজিৰঙা ৰাষ্ট্ৰীয় উদ্যানৰ সঞ্চালক পি. শিৱকুমাৰ, কলিয়াবৰ মহকুমা আৰক্ষী বিষয়া মৃন্ময় দাস, বন সংমণ্ডল প্ৰাধিকাৰী ৰমেশ চন্দ্ৰ গগৈ, ২য় অসম বন সুৰক্ষা বাহিনীৰ শীৰ্ষ বিষয়া মুকুল শইকীয়া, বুঢ়া পাহাৰ বনাঞ্চলক বিষয়া প্ৰদীপ গোস্বামী উপস্থিত থাকে। বৰ্তমান কাজিৰঙা ৰাষ্ট্ৰীয় উদ্যানৰ সুৰক্ষাৰ বিষয়ে শীৰ্ষ বিষয়া-বৰ্গই এক আলোচনাত মিলিত হৈ ভৱিষ্যতৰ কাৰ্য্যপন্থা নিৰ্দ্ধাৰণ কৰে।
