শীতকালত অধিকসংখ্যক লোকেই ভৰিৰ গোৰোহা ফটা বা ছাল শুকান হোৱাৰ সমস্যাত ভোগা দেখা যায়। যিমানেই আপুনি যত্ন নলওক কিয়, গোৰোহা ফাটি যোৱাটো নিশ্চিতভাৱে এটা সাধাৰণ সমস্যা হৈ পৰে। যদি আপোনাৰ ক্ষেত্ৰতো এনেকুৱা হয়, তেন্তে শৰীৰত কিছুমান ভিটামিনৰ অভাৱতো এনে হ’ব পাৰে। বিশেষকৈ যিসকল লোকৰ শৰীৰত ভিটামিনৰ অভাৱ আৰু হৰম’নৰ ভাৰসাম্যহীনতা সমস্যা হয়, তেওঁলোকৰ গোৰোহা ফাটি যোৱাৰ আশংকা বৃদ্ধি পায়।
শৰীৰত ভিটামিনৰ অভাৱ-
বিশেষজ্ঞসকলে কয় যে যেতিয়া শৰীৰৰ ছালখন শুকাই যায় আৰু আৰ্দ্ৰতা কমিবলৈ আৰম্ভ কৰে তেতিয়াই ৰুক্ষ হ’বলৈ আৰম্ভ কৰে। ইয়াৰ আঁৰৰ কাৰণ হৈছে শৰীৰত পুষ্টিকৰ উপাদানৰ অভাৱ। যিসকল লোকৰ শৰীৰত ভিটামিন বি-৩, ভিটামিন-ই আৰু ভিটামিন-চিৰ অভাৱ হয় তেওঁলোকৰো গোৰোহা ফাটিবলৈ আৰম্ভ হয়। সেয়েহে ভিটামিনসমৃদ্ধ খাদ্য খালে কলাজেনৰ উৎপাদন বৃদ্ধি পায় আৰু ছালেও সুৰক্ষা লাভ কৰে। শৰীৰত জিংক আৰু ওমেগা-৩ ফেটি এচিড হ্ৰাস হ’লেও ছালৰ ৰুক্ষতা বৃদ্ধি পায়।
হৰম’নৰ ভাৰসাম্যহীনতাৰ বাবেও গোৰোহা ফাটে-
শৰীৰত হৰম’নৰ ভাৰসাম্যহীনতা হ’লেও শুকানতাৰ সমস্যা বাঢ়ি যায়। এনে লোকৰ গোৰোহা ফাটি যোৱাৰ সমস্যা হ’ব পাৰে। থাইৰয়ড বা ইষ্ট্ৰজেন হৰম’নৰ ভাৰসাম্য অৱনতি ঘটিলেও গোৰোহা ফাটে। কেতিয়াবা গোৰোহাত ফটাৰ ফলত তেজো ওলাবলৈ আৰম্ভ কৰে।
গোৰোহা ফটাৰ ঘৰুৱা উপায়-
১. গোৰোহা ফাটিলে ভৰি দুখন পৰিষ্কাৰ কৰি ৰখাটো অতি প্ৰয়োজন, গোৰোহা ঘঁহিলে মলিবোৰ আঁতৰি যায়।
২. ইয়াৰ পাছত গোৰোহা আৰু ভৰিত হিল বাম ভালদৰে ব্যৱহাৰ কৰিব লাগে। মইশ্ব’ৰাইজ আৰু এক্সফ’লিয়েট কৰিবলৈ তৈয়াৰী ক্ৰীম ব্যৱহাৰ কৰক।
৩. ভৰি পৰিষ্কাৰ কৰাৰ আন এটা উপায় হ’ল ভৰি দুখন কুহুমীয়া নিমখীয়া পানীত আধা ঘণ্টা তিয়াই থ’ব লাগে। এতিয়া পিউমিচ ষ্টোনেৰে ভৰি দুখনৰ গোৰোহা পৰিষ্কাৰ কৰক।
৪. খাদ্যত জিংকসমৃদ্ধ খাদ্য অন্তৰ্ভুক্ত কৰিব লাগে। ইয়াৰ বাহিৰেও প্ৰচুৰ পৰিমাণে পানী খাব লাগে। ইয়াৰ ফলত ছালৰ শুষ্কতা নোহোৱা হ’ব।
৫. ভিটামিন-ই আৰু ভিটামিন-চিসমৃদ্ধ খাদ্য নিশ্চয়কৈ খাব। ইয়াৰ ফলত কোষবোৰৰ কোনো ক্ষতি নহয় আৰু ছালখন সুস্থ হৈ উঠিব। ইয়াৰ বাবে বাদাম, গুটি আৰু ছাইট্ৰাছ ফল খাব লাগে।