মুখ্যমন্ত্ৰী সমষ্টিৰ কৰতিপাৰ পঞ্চায়তৰ সাৰআটীত বৃহৎ খহনীয়া।

উজনি-মাজুলী : বিভাগীয় কৰ্তৃপক্ষই খহনীয়া ৰোধত একেবাৰে বিফল হোৱা বুলি দাবী কৰা মাজুলী জিলা কংগ্ৰেছ দলৰ নেতৃত্ব‌ই শুকুৰবাৰে নামনি মাজুলী কৰতিপাৰ গাঁও পঞ্চায়তৰ সাৰআটীৰ খহনীয়াৰ সন্মুখীন হোৱা দুৰ্ভগীয়া পৰিয়াল সমূহক সাক্ষাৎ কৰি পৰিস্থিতিৰ বুজ লোৱাৰ লগতে যুৱ কংগ্ৰেছৰ সদস্য সকলে শাৰীৰিকভাবে ও কিছু সহায় আগবঢ়াই । প্ৰশাসন তথা বিভাগীয় কৰ্তৃপক্ষই কিছু গুৰুত্ব প্ৰদান কৰি কাম কৰিলে এতিয়াও খহনীয়া প্ৰতিৰোধ কৰিব পৰা অৱস্থাত আছে বুলি দাবী জনাই দলটোৱে কয় , এইয়া একেবাৰে দুৰ্ভাগ্যৰ কথা যে বিভাগীয় কৰ্তৃপক্ষই যেনেদৰে এই অঞ্চল সমূহত কাম কৰিব লাগিছিল তেনেদৰে কৰা পৰিলক্ষিত হোৱা নাই । সেয়ে মাজুলীৰ বিধায়ক তথা অসমৰ মুখ্যমন্ত্ৰী গৰাকীৰ ওচৰত মাজুলী জিলা কংগ্ৰেছৰ তৰফৰ পৰা আমি দাবী জনাইছো ,অতি শীঘ্ৰে খহনীয়াত ক্ষতিগ্ৰস্ত পৰিয়াল সকলক উচিত ক্ষতিপূৰণ দিয়াৰ লগতে তৎকালীনভাৱে খহনীয়া ৰোধৰ বাবে যাৱতীয় ব্যৱস্থা গ্ৰহণ কৰক। কংগ্ৰেছৰ উক্ত দলটোত উপস্হিত আছিল মাজুলী ব্লক কংগ্ৰেছৰ সভাপতি ৰামেশ্বৰ দলে , মাজুলী বিধানসভা সমষ্টিৰ যুৱ কংগ্ৰেছৰ সভাপতি বিষ্ণু কমল পায়েং , যুৱ বিগ্ৰেডৰ সভাপতি  দিনমণি দত্ত , মাজুলী জিলা যুৱ কংগ্ৰেছৰ সভাপতি দেৱকান্ত দাসকে ধৰি প্ৰায় ২জ গৰাকী সদস্য‌ ।