জম্মু-কাশ্মীৰত লস্কৰ-ই-তৈবাৰ ৬ অভাৰ গ্ৰাউণ্ড কৰ্মীক গ্ৰেপ্তাৰ

দৈনন্দিন বাৰ্তা ডেস্ক : জম্মু আৰু কাশ্মীৰ আৰক্ষীৰ স্পেচিয়েল অ’পাৰেচন গ্ৰুপ (এছঅ’জি)ৰ অভিযানত শনিবাৰে পাকিস্তানৰ সমৰ্থনপুষ্ট লস্কৰ-ই-তৈবাৰ সন্ত্ৰাস-আৰ্থিক দিশত জড়িত অভাৰ গ্ৰাউণ্ডৰ ৬ কৰ্মীক গ্ৰেপ্তাৰ কৰে৷ জম্মুৰ আৰক্ষী মহা পৰিদৰ্শক মুকেশ সিঙে জনায় যে লস্কৰ-ই-তৈবাৰ সন্ত্ৰাস-আৰ্থিক দিশত কাম কৰা মুদাছিৰ ফাৰুক ভাটক গ্ৰেপ্তাৰ কৰি জেৰা কৰে৷ জেৰাত এলইটিৰ লগত জড়িত থকাৰ কথা প্ৰকাশ কৰে৷ আৰক্ষী মহা পৰিদৰ্শক সিঙে লগতে জনায় যে ভাটৰ তথ্য মতে এছঅ’জিয়ে আন ৫ ব্যক্তিক গ্ৰেপ্তাৰ কৰে৷ এই ব্যক্তিসকল এলইটিৰ লগত জড়িত ৷ গ্ৰেপ্তাৰ কৰা কেইজন হ’ল টাকিৰ আহমেদ ভাট, আছিফ ভাট, খালিদ লটিফ ভাট, গাজি ইকবাল আৰু টাৰিক হুছেইন মিৰ বুলি চিনাক্ত কৰা হৈছে৷