লকডাউনৰ ফলত বৃহৎ ক্ষতিৰ সন্মুখীন হৈছে আইনজীৱী ৷ লকডাউনত আইনী সেৱাৰ লগত জড়িত সকলৰ ক্ষতি লাখ-লাখ টকা ৷

দৈনন্দিন বাৰ্তাৰ সেৱা,ননৈ

বিশ্বব্যাপী সন্ত্ৰাসৰ সৃষ্টি কৰা ক’ৰোনা ভাইৰাছৰ দেশজুৰি বলবৎ হৈ থকা তলাবন্ধৰ ফলত সকলো প্ৰকাৰে বৃহৎ ক্ষতিৰ সন্মুখীন হব লগাত ভিন্ন জন ব্যৱসায়ীৰ লগতে আদালতত আইনী সেৱাৰ লগত জড়িত অধিৱক্তা সমাজো  ৷
তলাবন্ধৰ ফলত আইনী সেৱাৰ ব্যৱস্থাটোত বৃহৎ ক্ষতি হৈছে ৷ সম্প্ৰতি তলাবন্ধৰ সময়ত মুকলি আদালতৰ বিপৰীতে সীমিত পৰিসৰত কেৱল বিশেষ জৰুৰী গোচৰসমূহ চলাই থকাৰ পৰিপেক্ষিতত মুকলি আদালতত সেৱা আগবঢ়াই জীৱন নিৰ্বাহ কৰা অধিৱক্তা সমাজ গভীৰ সংকটত পৰা পৰিলক্ষিত হৈছে ৷ সমগ্ৰ ৰাজ্যখনতে প্ৰায় লক্ষাধিক অধিৱক্তা তথা আইনজীৱীয়ে মুকলি আদালতত সেৱা আগবঢ়াই জীৱন-নিৰ্বাহ কৰি আহিছে ৷ নগাঁও জিলাতো প্ৰায় পোন্ধৰশ অধিৱক্তা তথা আইনজীৱীয়ে বিভিন্ন সময়ত আইনী সেৱাৰ লগতে ভিন্নজনক আইনী পৰাৰ্মশ আগবঢ়াই আহিছে ৷ কিন্তু,বিগত ২৪ মাৰ্চৰ পৰা সমগ্ৰ দেশজুৰি বলবৎ হৈ থকা তলাবন্ধৰ ফলত নগাঁৱৰ আদালতৰ কাম-কাজ বন্ধ হৈ থকাত এই সকল অধিৱক্তা সমাজৰ উপাৰ্জনত প্ৰচণ্ড ব্যাঘাত জন্মিছে ৷ এনে ব্যাঘাতৰ পৰিপেক্ষিতত নগাঁও আইনী সেৱাৰ লগত জড়িত অধিৱক্তা সমাজতো লাখ-লাখ টকাৰ ক্ষতিৰ সন্মুখীন হৈছে ৷ উল্লেখ্য যে ,উচ্চ ন্যায়ালয় আৰু শুনানি আদালত সমূহে সীমিত পৰিসৰত গোচৰ সমূহ চলাই আছে বিভিন্ন প্ৰকাৰে কিন্তু,মুকলি আদালতত সেৱা আগবঢ়োৱা অধিৱক্তা সকলে কোনোধৰণৰ কাম কাজ কৰিবলৈ বৰ্তমান সময়ত সক্ষম হোবা নাই ৷ অৰ্থাৎ একাংশ অধিৱক্তাই গুচৰীয়া পক্ষৰ পৰা গোচৰ সমূহ নিজৰ হাতত ল’লেও আদালতৰ ন্যায়াধীশৰ ওচৰত গোচৰ সমূহ দাখিল কৰিব পৰা নাই ৷ বিশেষ জৰুৰী গোচৰ সমূহৰ বাদে ৷ এইলৈ এতিয়া মুকলি আদালতৰ কাম-কাজ কৰা অধিৱক্তা সমাজ বৃহৎ ক্ষতিৰ সন্মুখীন হৈছে ৷ তাক লৈ এতিয়া অধিৱক্তা সমাজৰ মাজতো বিৰোপ প্ৰতিক্ৰিয়া সৃষ্টি হৈছে ৷ সম্প্ৰতি লকডাউনত ৰাজ্যখনৰ লগতে নগাঁৱৰ অধিৱক্তা সমাজো একপ্ৰকাৰ বৃহৎ ক্ষতিৰ সন্মুখীন হব লগাত পৰিছে ৷