দহলাখ টকাৰ ব্যয়ৰে কুসুমটোলাৰ দীপাটোলাত খেলাপথাৰৰ চাৰিসীমাৰ দেৱালৰ আধাৰশিলা শিলা স্থাপন

জামুগুৰিহাট : চতিয়া সমষ্টিৰ কুসুমটোলাৰ নিকটৱৰ্ত্তি দীপাটোলাৰ দীপাটোলা খেলাপথাৰৰ চাৰিসীমাৰ দেৱাল নিৰ্মাণৰ আজি আধাৰশিলা স্থাপন কৰা হয়। ২০১৯-২০ বৰ্ষৰ আনটাইট পুঁজিৰ পৰা আৱণ্টন হোৱা দহ লাখ টকাৰ ব্যয়ৰে নিৰ্মাণ হ’ব লগা খেলাপথাৰখনৰ চাৰিসীমাৰ দেৱাল নিৰ্মাণৰ আধাৰশিলা স্থাপন কৰে স্থানীয় বিধায়ক পদ্ম হাজৰিকাই। বিধায়ক হাজৰিকাই আধাৰশিলা স্থাপন কৰি নিজৰ ভাষণ প্ৰসংগত দীপাটোলা অঞ্চলত পূৰ্বৰে পৰা থকা খেলা-ধূলাৰ পৰিবেশ অক্ষুণ্ণ ৰখাৰ ক্ষেত্ৰত খেলাপথাৰখনৰ চাৰিসীমাৰ দেৱাল নিৰ্মাণৰ কাম সম্পূৰ্ণ হৈ উঠিলে আৰু অধিক অনুকূল হৈ পৰিব বুলি উল্লেখ কৰে। ইয়াৰোপৰি চলিত বৰ্ষতেই খেলাপথাৰখনৰ উন্নয়নৰ বাবে আৰু বিশ লাখ টকা আগবঢ়োৱা হ’ব বুলিও উল্লেখ কৰে বিধায়ক হাজৰিকাই। আধাৰশিলা স্থাপন অনুষ্ঠানটিত নদুৱাৰ উন্নয়ন খণ্ডৰ কনিষ্ঠ অভিযন্তা দিব্যজ্যোতি হাজৰিকা, সাতগাঁও উন্নয়ন সমিতিৰ সভাপতি ডম্বৰু নাথ, সমাজকৰ্মী লালন ওৰাং, হোমনাথ ছেত্রীকে ধৰি বিশিষ্ট লোকসকলক উপস্থিত থাকে।