বিশ্ব স্বাস্থ্য সংস্থালৈ ৩২ খন দেশৰ ২৩৯ বিজ্ঞানীৰ পত্ৰ : বতাহত বিয়পে ক’ৰোনা ভাইৰাছ ৷

দৈনন্দিন বাৰ্তা ডেস্ক :

লকডাউন উঠাই দিয়াৰ লগে লগে সমগ্ৰ বিশ্বত তৎক্ষণাত বৃদ্ধি পাবলৈ ধৰে ক’ৰোনাত আক্ৰান্তৰ সংখ্যা ৷ ৰেস্তোৰা, কাৰ্যালয়, বজাৰ, বাছ, দোকান আদি সকলোতে মানুহে চলাচল কৰিবলৈ ল’লে ৷ ফলত গোষ্ঠী সংক্ৰমণ আৰম্ভ হৈছে তাত নিশ্চিত বিজ্ঞানী আৰু বিশেষজ্ঞসকল। ভাইৰাছটোক লৈ বিজ্ঞানীসকলে ইমান দিনে কৰি অহা দাবী যে ভাইৰাছটো বতাহত বিয়পা বিষয়টো নিশ্চিত বিজ্ঞানীসকল ৷ আনহাতে বিশ্ব স্বাস্থ্য সংস্থাই কৈছে যে ক’ৰোনা ভাইৰাছ প্ৰধানকৈ মানুহৰ কাঁহ, জ্বৰ বাবে সংক্ৰমিত হয় ৷ সেই সময়ত মাটিত পৰা ডাঙৰ জলকণাৰ পৰাও ভাইৰাছটো বিয়পি যায় ৷ কিন্তু বিশ্ব স্বাস্থ্য সংস্থাক এক মুকলি চিঠিৰে সমগ্ৰ বিশ্বৰ ৩২ খন দেশৰ ২৩৯ জন বিজ্ঞানীয়ে প্ৰমাণ দি লিখিছে যে সংক্ৰমিত লোকৰ সৰু জলকণা বতাহত আহি কোনো সুস্থ মানুহক তৎক্ষণাত সংক্ৰমিত কৰি দিব পাৰে ৷ তেওঁলোকৰ দাবী, ঘৰৰ ভিতৰৰ বতাহত এই ভাইৰাছ বহু সময় থাকে আৰু তাৰ ফলত প্ৰায় সকলোকে সংক্ৰমিত কৰে ৷ বিজ্ঞানীসকলে এই প্ৰতিবেদন জাৰ্নেলৰ পৰৱৰ্তী সংখ্যাত প্ৰকাশ কৰিব ৷ আনকি যোৱা ২৯ জুনত বিশ্ব স্বাস্থ্য সংস্থাৰ প্ৰকাশিত প্ৰতিবেদনত কোৱা হৈছিল, বতাহত এয়াৰবন বা পাঁচ  মাইক্ৰনতকৈ সৰু জলকণাৰ পৰা ই সংক্ৰমিত হ’ব পাৰে ৷ বিজ্ঞানীসকলে কয়, য’ত বতাহ চলাচলৰ পথ সৰু বা ভিৰ বেছি তাত বতাহত বিয়পাত এই ভাইৰাছ অত্যন্ত ক্ষতিকাৰক। সেয়ে ঘৰৰ ভিতৰতো মাস্ক পিন্ধা আৰু সামাজিক দূৰত্ব বজায় ৰখা উচিত ৷ স্বাস্থ্য কর্মীসকলে এন৮৫ মাস্ক ব্যৱহাৰ কৰা উচিত। শিক্ষানুষ্ঠান, নাৰ্চিং হোম, ঘৰ আৰু বাণিজ্যিক কেন্দ্ৰত ভেণ্টিলেটৰ এনেদৰে কমোৱা উচিত যে বতাহ পুনৰ ঘূৰি আহে আৰু শক্তিশালী ফিল্টাৰ তাত লগোৱা উচিত ৷ ঘৰৰ ভিতৰত আল্ট্ৰভায়োলেট লাইট লগাব লাগে ৷