কলিয়াবৰ
কলিয়াবৰৰ নলতলি আৰিমৰা উদ্যোগিক আন্তঃগাঠনি বিকাশ কেন্দ্ৰস্থিত পাৱাৰলাইন ইণ্ডাষ্ট্ৰিজে স্থানীয় চাহিদাৰ প্ৰতি লক্ষ্য ৰাখি হাত ব্যৱহাৰ নকৰাকৈয়ে ব্যৱহাৰযোগ্য হেণ্ড ছেনিটাইজাৰ সঁজুলি নিৰ্মাণ কৰি উলিয়াইছে। মূলত কিৰলোস্কাৰ জেনেৰেটৰ নিৰ্মাণ কাৰখানাই তুলনামূলকভাৱে কম খৰচত এই সঁজুলিটো নিৰ্মাণ কৰিছে। সোমবাৰে কলিয়াবৰ মহকুমাপতি কাৰ্যালয়ৰ প্ৰেক্ষাগৃহত এক অনুষ্টুপীয়া অনুষ্ঠানত এই সঁজুলি ব্যৱহাৰ আনুষ্ঠানিকভাৱে মুকলি কৰে মহকুমাধিপতি বিতুপন নেওগে। অনুষ্ঠানত পাৱাৰলাইন ইণ্ডাষ্ট্ৰিজৰ বিষয়ববীয়াই হেণ্ড ছেনিটাইজাৰ সঁজুলিৰ প্ৰথমটো নিৰ্মাণ মহকুমাধিপতি কাৰ্যালয়ক ব্যৱহাৰৰ বাবে প্ৰদান কৰে। উল্লেখযোগ্য যে সঁজুলিটোৰ জি এছ টিসহ ৪,৫০০.০০ টকাত বজাৰত উপলব্ধ হ’ব।