Breaking

ৰূপহীহাটত প্ৰধানমন্ত্ৰী কৃষি সন্মান নিধি আচঁনিত তাৰাবাৰী, গটঙা, নাঙলধোৱা বেংক চি এছ পিৰ লুন্ঠন

0 102
  • এ জে আকন্দ, নগাঁও

দেশৰ খাটি খোৱা ৰাইজৰ কষ্ঠোপাৰ্জিত ধন সহজে বেংকত সঞ্চয় কৰাৰ বাবে কেন্দ্ৰীয় চৰকাৰৰ নিৰ্দেশত ভাৰতীয় বেংকসমূহে দেশজুৰি প্ৰৱৰ্তন কৰিছে লাখ লাখ গ্ৰাহক সেৱা কেন্দ্ৰ । যাক চমুকৈ চি এছ পি কেন্দ্ৰ বুলি কোৱা হয় । সংশ্লীষ্ট স্থানীয় বেংক সমূহত পঞ্জীয়নভুক্ত গ্ৰাহক সেৱাৰ এই চি এছ পি কেন্দ্ৰ সমূহত সীমিত লেনদেনৰ বাবে গ্ৰামাঞ্চলৰ দৰিদ্ৰ আৰু অশিক্ষিত ৰাইজে সহজে বেংক একাউন্ট খুলি ধন সঞ্চয় কৰাৰ লগতে চৰকাৰ জন ধন আচঁনি, প্ৰধানমন্ত্ৰীৰ বীমা যোজনা, ৰন্ধন গেছ, প্ৰধানমন্ত্ৰীৰ কৃষি সন্মান নিধি আচঁনি, সংখ্যালঘু ছাত্ৰ-ছাত্ৰীৰ বৃত্তি  ইত্যাদি বহু আচঁনিৰ অধীনত হিচাধিকাৰীয়ে একাউন্ট খুলিছিল । একাউন্ট খোলাৰ পিছত অধিকাংশ চি এছ পিয়ে ৰাইজৰ সৰলতাৰ সুযোগ লৈ কোটি কোটি টকা সম্পদ গঢ়ি তুলি চহৰে-নগৰে বিলাসী অট্টালিকা সাজি তোলাতহে ব্যস্ত হৈ পৰিছে । প্ৰধানমন্ত্ৰী নৰেন্দ্ৰ মোদীয়ে দৰিদ্ৰ কৃষকসকলক সকাহ দিয়াৰ উদ্দেশে প্ৰধানমন্ত্ৰী কৃষি সন্মান নিধি আচঁনিৰ জৰিয়তে প্ৰতি ৪ মাহৰ মূৰে মূৰে কৃষক সকলৰ বেংক একাউন্টত দুহেজাৰ টকাকৈ দিয়াৰ ব্যৱস্থা কৰিছে যদিও এই অভিলাসী আচঁনিত একাংশৰ নেতা পালি নেতা আৰু একাংশ বিষয়া কৰ্মচাৰীয়ে মিলি গ্ৰাহক সেৱা কেন্দ্ৰৰ (চি এছ পি) বাণিজ্যিক প্ৰতিনিধিৰে মিলি প্ৰকৃত কৃষকক বঞ্চিত কৰি ভুৱা কৃষকৰ নামত একাউন্ট খুলি কোটি কোটি টকা লুন্ঠন কৰাৰ অভিযোগ সৰ্বত্ৰে উঠাৰ সময়তে নগাঁও জিলাৰ ৰূপহীহাটত ইতিমধ্যে একাংশ চি এছ পি (বাণিজ্যিক প্ৰতিনিধি)ৰ  দুৰ্নীতিৰ বাতৰিৰ প্ৰতিক্ৰিয়া মাৰ নৌযাওতে আন এক অভিযোগ উত্থাপিত হৈছে ইণ্ডিয়ান বেংক হাতীপুখুৰী শাখাৰ তাৰাবাৰীৰ চি এছ পি ছফিৰ উদ্দিন আৰু অসম গ্ৰামীন বিকাশ বেংকৰ ৰূপহী শাখাৰ গটঙাৰ চি এছ পি উত্পল বৰা,  ইণ্ডিয়ান বেংক হাতীপুখুৰী শাখাৰ নাঙলধোৱাৰ চি এছ পি আলিম উদ্দিনৰ  বিৰুদ্ধে একাংশৰ নেতা-পালিনেতা, দালালৰ সহযোগত প্ৰকৃত হিতাধিকাৰীক বঞ্চিত কৰি লক্ষ লক্ষ টকা আত্মসাত কৰাৰ অভিযোগ উঠিছে । অভিযোগ  মতে প্ৰধানমন্ত্ৰী কৃষি সন্মান নিধি আচঁনি, সংখ্যালঘু শিক্ষাৰ্থীৰ জলপানি আচঁনি ব্যাপক খেলিমেলি কৰিছে বুলি অভিযোগ উঠিছে। ইতিমধ্যে ৰাজ্য চৰকাৰৰ সংশ্লীষ্ট বিভাগে কেইবাটাও চি এছ পিৰ স্কলাৰশ্বীপ দুৰ্নীতি তদন্ত কৰাৰ দৰে কৃষি বিভাগৰ বিভাগটোৰ দুৰ্নীতিৰ অভিযোগ সমূহ গুৰুত্বসহকাৰে লৈছে । তেনে ক্ষেত্ৰত ৰূপহীৰ দৰে অঞ্চলত দুৰ্নীতিৰ বজাৰ মুকলি কৰা এই চি এচ পি সকলৰ  বিৰুদ্ধে কৃষি মন্ত্ৰীয়ে শীঘ্ৰেই তদন্ত ক্ৰমে ব্যৱস্থা গ্ৰহণ কৰি দুৰ্নীতিগ্ৰস্থসকলক নাকি লগাবলৈ আহ্বান জনাইছে ৰূপহীহাটৰ সচেতন মহলে। ইয়াৰোপৰি নগাঁও জিলাত থকা বহু চি এছ পিৰ বাণিজ্যিক প্ৰতিনিধিৰ দুৰ্নীতিৰ  অচিৰেই মুখা খোল খাব । উক্ত বেংক চি এছ পি ও বানিজ্যিক প্ৰতিনিধিসকলৰ আয়ৰ উত্স কি,  বেংকটো কিবা আলাউদ্দিনৰ চাকি নেকি বুলি প্ৰশ্ন উঠিছে । গ্ৰাহক সেৱাৰ নামত বেংক সেৱাক দুৰ্নীতিৰ আহিলাত পৰিনত কৰা এই চি এচ পি সকলৰ ওপৰত উচিত তদন্ত হলে উৰহিৰ ওৰ পৰিব বুলি ৰূপহীহাটত চৰ্চা চলিছ ।