ক’ৰোনাত আক্ৰান্ত মধ্যপ্রদেশৰ মুখ্যমন্ত্রী শিৱৰাজ সিং চৌহান

দৈনন্দিন বাৰ্তা ডেস্ক : ক’ৰোনাত আক্ৰান্ত হ’ল মধ্যপ্রদেশৰ মুখ্যমন্ত্রী শিৱৰাজ সিং চৌহান। শনিবাৰে এই কথা টুইট কৰি জনালে স্বয়ং মুখ্যমন্ত্ৰীজনে৷ হিন্দীতে টুইট কৰি লিখে, মোৰ প্ৰিয় দেশবাসী ৷ মোৰ কিছুদিন ধৰি ক’ৰোনা উপসৰ্গই দেখা দিছিল ৷ পৰীক্ষা কৰাৰ পাছত ৰিপৰ্টত পজিটিভ আহে ৷ ইয়াৰ লগতে তেওঁ অনুৰোধ কৰে, যোৱা কিছুদিন তেওঁৰ আশেপাশে যিসকল আহিছিল, তেওঁলোকে নিজৰ পৰীক্ষা কৰি লয় যেন ৷ ইতিমধ্যে মুখ্যমন্ত্ৰীৰ সংস্পৰ্শলৈ যোৱাসকলক কোৱাৰেণ্টাইন কৰা হৈছে৷ উল্লেখ্য যে ইয়াৰ আগতে সেইখন ৰাজ্যৰ বিজেপি নেতা জ্যোতিৰাদিত্য সিন্ধিয়া আৰু তেওঁৰ মাতৃ ক’ৰোনা পজিটিভ হৈছিল ৷ তেওঁলোক বৰ্তমান সুস্থ৷ ৰাজ্যখনত ক’ৰোনা পৰিস্থিতি অতি বেয়া ৷ সমাজৰ সকলো স্তৰলৈ বিয়পিছে মাৰাত্মক ক’ৰোনা ৷ এই পৰ্যন্ত ৰাজ্যখনত মুঠ আক্ৰান্ত হৈছে ২৬২১০ জন আৰু মৃত্যু হৈছে ৭৯১ জন ৷