তথ্য আৰু জনসংযোগ সঞ্চালকালয়ত মহাপুৰুষ মাধৱদেৱৰ তিৰোভাৱ তিথি পালন

ৰাজ্যখনৰ বিভিন্ন প্ৰান্তৰ লগতে আজি তথ্য আৰু জনসংযোগ সঞ্চালকালয়তো মহাপুৰুষ শ্ৰীশ্ৰী মাধৱদেৱৰ তিৰোভাৱ তিথি পালন কৰা হয়।
এই উপলক্ষে সঞ্চালকালয়ৰ দিছপুৰস্থিত মুখ্য কাৰ্যালয়ত নাম-প্ৰসংগ অনুষ্ঠিত কৰাৰ লগতে সঞ্চালকালয়ৰ সাংস্কৃতিক শাখাৰ কৰ্মচাৰীসকলে থিয় নাম, বৰগীত আদি পৰিৱেশন কৰে।উল্লেখযোগ্য যে মুখ্যমন্ত্ৰী ড° হিমন্ত বিশ্ব শৰ্মাই এইবাৰ স্বাধীনতা দিৱসৰ ভাষণত দহটা সংকল্প গ্ৰহণৰ বাবে জনসাধাৰণক আহ্বান জনাইছিল৷  সেইমৰ্মে পুৰোধা ব্যক্তি আৰু মহাপৰুষৰ আৱিৰ্ভাব আৰু তিৰোভাৱ তিথিত বন্ধ পালন কৰাৰ পৰিবৰ্তে কাৰ্যালয়ত উদযাপন কৰাৰ বাবে তেওঁ আহ্বান জনাইছিল৷ সেই আহ্বানৰ প্ৰতি সঁহাৰি জনাই চৰকাবী বন্ধৰ দিন হোৱা সত্বেও তথ্য আৰু জনসংযোগৰ নৱ-নিযুক্ত সঞ্চালক শ্ৰী বিষ্ণু কমল বৰা আৰু অতিৰিক্ত সঞ্চালক শ্ৰী প্ৰদীপ ব্ৰহ্মৰ উদ্যোগত সমূহ বিষয়া-কৰ্মচাৰীয়ে আজি কাৰ্যালয়তে মহাপুৰুষজনাৰ তিৰোভাৱ তিথি  উদযাপন কৰি গুৰুজনাক স্মৰণ কৰে৷