দলগাঁও শিয়ালমাৰী উন্নয়ন খণ্ডত ব্যাপক দুৰ্নীতি । ভাৰাতীয়া জবকাৰ্ডৰে আঁচনিৰ ধন আত্মসাত ফকিৰপাৰা গাওঁ পঞ্চায়তত ।

দলগাঁও : লকডাউনৰ সময়ত জবকাৰ্ড শ্ৰমিকক সকাহ দিয়াৰ উদ্দেশ্যে চৰকাৰে মহাত্মা গান্ধী নিয়োগ নিশ্চিত আঁচনি চমুকৈ এমজিএনৰেগাৰ অধীনত বুজন পৰিমাণৰ টকা আৱন্টণ দিছে ঠিকেই কিন্তু দৰং জিলাৰ দলগাঁও শিয়ালমাৰী উন্নয়ন খণ্ডৰ অন্তৰ্গত ফকিৰপাৰা গাঁও পঞ্চায়তত একাংশ কৰ্মচাৰী আৰু জনপ্ৰতিনিধিয়ে জবকাৰ্ড শ্ৰমিকক বঞ্চিত কৰি ট্ৰেক্টৰেৰে সামান্য পৰিমাণৰ মাটি পেলায়ে অধিকাংশ ধন উদৰস্থ কৰাৰ অভিযোগ উত্থাপন হৈছে। গাওঁ পঞ্চায়তখনৰ সদস্য সচিব, গ্ৰাম ৰোজগাৰ সহায়ক, এগ্ৰিকেটেড ইঞ্জিনীয়াৰ(এ,ই)কণিষ্ঠ অভিযন্তা আদি কৰ্মচাৰীৰ লগত গোপন বুজাবুজিত পঞ্চায়তৰ প্ৰতিনিধিয়ে আঁচনিৰ নামত কেৱল নাম ফলক আৰিয়েই অধিকাংশ ধন নিজৰ পকেটত তুলাৰ অভিযোগ উত্থাপিত হৈছে। প্ৰাপ্ত অভিযোগ মতে ফকিৰপাৰা গাওঁ পঞ্চায়তৰ ভুটপুখুৰী গাঁৱত ২০১৯-২০ বৰ্ষত এমজিএনৰেগা আঁচনিত “ফিল্ড ডেভলপমেন্ট এট হাফিজীয়া এণ্ড খাৰেজিয়া মাদ্ৰাছা এট ভুটপুখুৰী” নামৰ আঁচনিত সংঘটিত হৈছে ব্যাপক দুৰ্নীতি। ভুটপুখুৰী গাঁৱৰ উক্ত মাদ্ৰাছা খনত এমজিএনৰেগা আঁচনিৰ অধীনত বিভাগীয় কৰ্তৃপক্ষই ১ লাখ ৯০ হাজাৰ ৭ শ টকা আবন্টণ দিয়ে। আঁচনি গ্ৰহণৰ পাছত ট্ৰেক্টৰেৰে সামান্য মাটি পেলাইয়ে কাম সামৰে ৷ বিভাগীয় কৰ্তৃপক্ষৰ সহযোগত জনপ্ৰতিনীয়ে মাদ্ৰাছাখনৰ ফিল্ডৰ আধা অংশত মাটি দিয়েই উক্ত আঁচনিখনৰ অধিকাংশ ধন আত্মসাত কৰে। তাৎপৰ্যপূৰ্ণ কথা হল স্থানীয় দৰিদ্ৰ শ্ৰমিকক বঞ্চিত কৰি পঞ্চায়তৰ সহকাৰী অভিযন্তাই মিলি ভাৰাতীয়া জবকাৰ্ড যোগে জবকাৰ্ড শ্ৰমিকৰ সম্পূৰ্ণ টকা উঠাই উদৰস্থ কৰিছে৷ এই সংক্ৰান্তত স্থানীয় ৰাইজে দলগাঁও শিয়ালমাৰী উন্নয়ন খণ্ডত এখন লিখিত অভিযোগ দাখিল কৰে যদিও গুৰুত্ব নাই বিভাগীয় কৰ্তৃপক্ষৰ। পঞ্চায়তখনৰ দায়িত্বত থকা কনিষ্ঠ অভিযন্তা আৰু এ.ই জনে আঁচনি পৰ্যবেশন কৰি সেইমতেহে বিল দাখিল কৰিব লাগে যদিও টকাৰ লোভত অন্ধ হৈ কোনো দিনে আঁচনি নেদেখিয়ে বিল দাখিল কৰে৷ এক কথাত ক’বলৈ গলে গ্ৰামাঞ্চলৰ বাট পথৰ উন্নয়নৰ বিপৰীতে আঁচনিৰ নামত কেৱল টকা ঘটাৰ কাৰ্যালয়ত পৰিণত হৈছে ফকিৰপাৰা গাওঁ পঞ্চায়ত খনত।