নলবাৰী বাংনামাৰীত ঈদউল ফিটৰ নামাজ সন্দৰ্ভত সভা : ঘৰতে থাকি নামাজ পঢ়িবলৈ আহ্বান

নলবাৰী

ক’ৰোনা ভাইৰাছৰ সন্ত্ৰাস অব্যাহত থকাৰ বাবে বৰ্তমান দেশজুৰি চলি থকা লকডাউনৰ চৰকাৰী নিৰ্দেশনাৰ প্ৰতি লক্ষ্য ৰাখি বাংনামাৰী গাঁও উন্নয়ন সমিতিৰ অনুষ্ঠিত হোৱা কাৰ্যনিৰ্বাহক সভাত এক সিদ্ধান্ত গ্ৰহণ কৰা হয়। কাৰ্যনিৰ্বাহক সভাৰ সৰ্বসন্মত সিদ্ধান্ত মৰ্মে অহা ২৪ অথবা ২৫ মে’ত হ’বলগীয়া ঈদউল ফিটৰৰ সমূহীয়া নামাজ অইন বেলিৰ দৰে এইবেলি বাংনামাৰী ঈদগাহ মৈদানত নপঢ়াৰ সিদ্ধান্ত গ্ৰহণ কৰে। ইয়াৰ বিপৰীতে ঘৰতে থাকি ঈদউল ফিটৰৰ নামাজ পঢ়াৰ বাবে সিদ্ধান্ত গ্ৰহণ কৰা হয়৷ লগতে সকলো ইচলাম ধৰ্মীলোক সকলক সমূহীয়া নামাজৰ পৰিৱৰ্তে ঘৰতে নামাজ পঢ়িবলৈ আহ্বান জনোৱা হয়। এই কথা সদৰী কৰে বাংনামাৰী গাঁও উন্নয়ন সমিতিৰ সভাপতি ফাইজুদ্দিন আহমেদ আৰু সম্পাদক ইমদাদৰ ৰহমানে। ইয়াৰ উপৰি চৰকাৰ তথা স্বাস্থ্য বিভাগে ক’ৰোনা ভাইৰাছ সন্দৰ্ভত আগবঢ়োৱা সকলো পৰামৰ্শ আৰু নীতি নিয়ম মানি চলিবলৈ সমূহ ৰাইজক অনুৰোধ জনায়৷