বহিৰাজ্যৰ পৰা কৰ্মবিমুখ হৈ ঘূৰি অহা শ্ৰমিকসকলক ২০০ দিনৰ কৰ্মসংস্থাপনৰ দাবীত স্মাৰকপত্ৰ ।
বঢ়মপুৰ:
নিজৰ লগতে পৰিয়ালৰ ভৰণ পোষণৰ বাবে কৰ্মৰ সন্ধানত বহি:ৰাজ্যলৈ যোৱা শ্ৰমিক তথা নিবনুৱা যুৱকসকলৰ লকডাউনৰ বাবে পানীত হাঁহ নচৰা অৱস্থাৰ সৃষ্টি হৈছে । যাৰ ফলত একাংশ নিবনুৱা উপায়বিহীন হৈ কোনোৱে যদি ৰেলেৰে , কোনো বাছেৰে , কোনোৱে চাইকেল আৰু কোনোৱে খোজকাঢ়ি অহাৰ লগতে একাংশই নিজ ৰাজ্যলৈ আহিবলৈ চেষ্টা অব্যাহত ৰাখিছে । এইসকল নিবনুৱাক স্বাৱলম্বী কৰি তোলাৰ লক্ষ্যৰে এম জি এনৰেগাৰ অধীনত ২০০ দিন কৰ্মসংস্থাপন দিয়াৰ ব্যৱস্থা কৰাৰ দাবীত আজি বঢ়মপুৰ খণ্ড উন্নয়ন বিষয়াক এখন স্মাৰকপত্ৰ প্ৰদান কৰে । বঢ়মপুৰ ব্লক কংগ্ৰেছৰ ব্যবস্থাপনাত ১১ টা পঞ্চায়তৰ মণ্ডল সভাপতিৰ সহযোগত বঢ়মপুৰ সমষ্টিৰ কংগ্ৰেছ নেতা তথা অসম প্ৰদেশ কংগ্ৰেছ কমিটিৰ সাধাৰণ সম্পাদক সুৰেশ বৰাই প্ৰদান কৰা স্মাৰক পত্ৰত প্ৰধানমন্ত্ৰী কিষান নিধি যোজনাৰ খেলিমেলি দূৰ কৰি প্ৰকৃত হিতাধিকাৰী নিৰ্বাচন কৰাকে ধৰি কেইবাটাও দাবী স্মাৰকপত্ৰখনত উত্থাপন কৰে ।