হোৱাটছএপ,(Meta)ফেচবুক, ইনষ্টাগ্ৰাম আৰু বিনামূলীয়া নহ’ব; মেছেজৰ পৰা আৰম্ভ কৰি ৰিললৈকে সকলো বস্তুৰ বাবে জুকাৰবাৰ্গে চাৰ্জ ল’ব। ফেচবুক , ইনষ্টাগ্ৰাম,হোৱাটছএপ ব্যৱহাৰকাৰীলৈ এয়া এক ডাঙৰ খবৰ। ফেচবুক, ইনষ্টাগ্ৰাম, হোৱাটছএপ ব্যৱহাৰৰ বাবে লাগিব ধন। মাহে মাহে মাচুল দিলেহে ব্যৱহাৰ কৰিব পাৰিব এই সমূহ মাধ্যম।(Meta launches paid subscriptions)
মেটাই অতি সোনকালে ইনষ্টাগ্ৰাম, ফেচবুক আৰু হোৱাটছএপৰ বাবে নতুন ‘প্লাছ’ চাবস্ক্ৰিপচন প্লেন প্ৰৱৰ্তন কৰিব পাৰে, যিয়ে কেইবাটাও প্ৰিমিয়াম ফিচাৰ আগবঢ়াব। এইবোৰৰ বাবে ব্যৱহাৰকাৰীয়ে অতিৰিক্ত ধন দিব লাগিব।
এই পদক্ষেপ বিজ্ঞাপনৰ বাহিৰেও নতুন ৰাজহৰ ধাৰা সৃষ্টিৰ বাবে মেটাৰ কৌশলৰ অংশ। নতুন প্লাছ প্লেনে কোম্পানীটোৰ বৰ্তমানৰ ‘মেটা ভেৰিফাইড’ প্লেনৰ ঠাই ল’ব নোৱাৰে।(Instagram, Facebook, WhatsApp)
বৰ্তমান মেটাই এই নতুন ‘প্লাছ’ চাবস্ক্ৰিপচন প্লেনসমূহৰ গ্ল’বেল ৰোলআউটৰ কথা ঘোষণা কৰিছে যদিও কোম্পানীয়ে ভাৰতত মুকলিৰ তাৰিখ ঘোষণা কৰা নাই।
যিহেতু ভাৰত মেটাৰ বাবে বিশ্বৰ সৰ্ববৃহৎ ব্যৱহাৰকাৰী ভিত্তি বজাৰ, সেয়েহে কোম্পানীটোৱে সাধাৰণতে তাত ডাঙৰ ডাঙৰ বৈশিষ্ট্যসমূহ পৰ্যায়ক্ৰমে ৰূপায়ণ কৰে।
মেটাৰ ‘হেড অৱ প্ৰডাক্ট’ নাওমি গ্লেটে প্ৰকাশ কৰা অনুসৰি, এই প্লাছ প্লেনসমূহৰ মূল্য হ’ব –
১. ফেচবুক,ইনষ্টাগ্ৰামৰ বাবে প্ৰতি মাহে ৩.৯৯ মাৰ্কিন ডলাৰ (ভাৰতীয় টকাৰ হিচাপত প্ৰায় ৩৮৭ টকা)।
২. হোৱাটছএপ বাবে প্ৰতি মাহে ২.৯৯ মাৰ্কিন ডলাৰ (ভাৰতীয় টকাৰ হিচাপত প্ৰায় ২৯০ টকা)।
ইনষ্টাগ্ৰাম প্লাছ আৰু ফেচবুক প্লাছ মূলতঃ সামাজিক প্ৰকাশ আৰু সৃষ্টিকৰ্তাক মনত ৰাখি ডিজাইন কৰা হৈছে। ব্যৱহাৰকাৰীসকলে তেওঁলোকৰ ষ্ট’ৰী পুনৰ চোৱা মুঠ লোকৰ সংখ্যা চাব পাৰিব। ইয়াৰ উপৰিও আৰু বহু সুবিধাও উপলব্ধ হ’ব।
কিয় সলনি হৈছে ছ’চিয়েল মিডিয়াৰ ব্যৱসায়িক মডেল?
বছৰ বছৰ ধৰি ফেচবুক, ইনষ্টাগ্ৰাম, হোৱাটছএপ সম্পূৰ্ণ বিনামূলীয়া হৈ আছিল কাৰণ কোম্পানীসমূহে ব্যৱহাৰকাৰীৰ ডাটা আৰু বিজ্ঞাপনৰ পৰা কোটি কোটি টকা উপাৰ্জন কৰিছিল। কিন্তু এতিয়া বিশ্বজুৰি এই এপসমূহৰ ব্যৱহাৰকাৰীৰ সংখ্যা শিখৰত উপনীত হৈছে, অৰ্থাৎ নতুন ব্যৱহাৰকাৰী আহৰণৰ গতি লেহেমীয়া হৈছে।
ইয়াৰ উপৰিও গোপনীয়তা নিয়ম কঠোৰ কৰাটোৱে বিজ্ঞাপনৰ ৰাজহত প্ৰভাৱ পেলাইছে। এই কাৰণেই ইলন মাস্কৰ এক্সৰ দৰে মেটাইও এতিয়া ব্যৱহাৰকাৰীৰ পৰা প্ৰত্যক্ষভাৱে চাৰ্জ লৈ নিজৰ ৰাজহৰ ধাৰা সুৰক্ষিত কৰিছে।
