Breaking

চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা

0 2,112

এক গোপন সূত্ৰৰ পম খেদি শুক্ৰবাৰে মৰিগাঁও জিলাৰ মিকিৰভেটা আৰক্ষী থানাৰ আৰক্ষীৰ এটি দল আৰু মৰিগাঁও A B I শাখাৰ যৌথ অভিযানত বৃহৎ পৰিমাণৰ ড্ৰাগছ জব্দ কৰাৰ লগতে এজন ড্ৰাগছ সৰবৰাহকাৰীক আটক কৰিবলৈ সক্ষম হয়।জানিব পৰা মতে ধৃত ড্ৰাগছ সৰবৰাহকাৰী দিলোৱাৰ হুছেইনে নগাঁৱৰ পৰা মৰিগাঁও অভিমুখে এখন টেম্পুত আহি থকা অবস্থাতে মৰিগাঁও জিলাৰ চৰাইবাহী বৰভগীয়াৰ তিনি আলিৰ পৰা আটক কৰে । নগাঁও গৰুখুঁতি বাৰুকটা গাঁৱৰ ইচমত আলিৰ পুত্ৰ দিলোৱাৰ হুছেইনক আৰক্ষীয়ে সুধপোচৰ বাবে থানালৈ লৈ যায়।আৰু বৰ্তমান অধিক তদন্তৰ বাবে ধৃত দিলোৱাৰ হুছেইনক আৰক্ষীয়ে মিকিৰভেটা আৰক্ষী থানালৈ লৈ যায় ।মিকিৰভেটা আৰক্ষী থানাৰ ভাৰপ্ৰাপ্ত আৰক্ষী বিষয়া দিজেন চন্দ্ৰ বৰাই সংবাদ মাধ্যমৰ আগত জব্দকৃত ড্ৰাগচ খিনিৰ মূল্য পাঁচ লাখ টকাৰ হ’ব বুলি মন্তব্য আগবঢ়াই।

দৈনন্দিন বাৰ্তা মিকিৰভেটা প্ৰতিবেদকঃ পুলক নাথ , মৰিগাঁও (মিকিৰভেটা)