স্বাস্থ্যমন্ত্ৰী ড° হিমন্ত বিশ্ব শৰ্মাক সু-স্বাস্থ্যৰ অধিকাৰী কৰি ৰখাৰ প্ৰাৰ্থনা : জামুগুৰিহাটৰ সৌভাগ্য মাধৱ দেৱালয়ত সত্যসন্ধ্যা মহিলা সংঘৰ এশগছি বন্তি প্ৰজ্বলন

0 10

জামুগুৰিহাট

মাৰাত্মক ক’ৰোনা ভাইৰাছৰ বিৰুদ্ধে হোৱা যুঁজখনত দিন ৰাতি একাকাৰ কৰি সেনাপতিৰ ভূমিকা গ্ৰহণ কৰা ৰাজ্যৰ স্বাস্থ্যমন্ত্ৰী ড° হিমন্ত বিশ্ব শৰ্মাক সদায় সু-স্বাস্থ্যৰ অধিকাৰী কৰি ৰখাৰ প্ৰাৰ্থনাৰে শনিবাৰে জামুগুৰিহাটৰ মাধৱগাঁওস্থিত শ্ৰী শ্ৰী সৌভাগ্য মাধৱ দেৱালয়ত এশ গছি বন্তি প্ৰজ্বলন কৰে সত্যসন্ধ্যা মহিলা সংঘৰ মহিলাসকলে৷ শনিবাৰে দুপৰীয়া দেৱালয়খনৰ গোঁসাইৰ মূল থাপনাৰ ওচৰত কৰা এই বন্তি প্ৰজ্বলনৰ জৰিয়তে দেশৰ এই জটিল সন্ধিক্ষণত ক’ৰোনাৰ বিৰুদ্ধে মন্ত্ৰীগৰাকীৰ লগত থাকি এই যুঁজত অৱতীৰ্ণ হোৱা প্ৰতিগৰাকী মন্ত্ৰী, বিধায়ক, চিকিৎসক, নাৰ্চ,আশাকৰ্মী তথা জৰুৰীকালীন সেৱাৰ লগত জড়িত আৰক্ষীকে ধৰি প্ৰতিগৰাকী যুঁজাৰুক সু-স্বাস্থ্যৰ অধিকাৰী কৰি ৰাখি শক্তি প্ৰদান কৰাৰ প্ৰাৰ্থনাৰে ভগৱানৰ আশীষ বিচাৰে মহিলা সংঘটিয়ে৷ তদুপৰি শ্ৰী শ্ৰী সৌভাগ্য মাধৱ দেৱালয়ত লোৱা এই বন্তি প্ৰজ্বলনৰ জৰিয়তে বৰ্তমান ক’ৰোনাত আক্ৰান্তসকলৰ শীঘ্ৰে আশুআৰোগ্য কামনা কৰাৰ উপৰি ৰাজ্যবাসীক এই মহামাৰীৰপৰা সোনকালে পৰিত্ৰান দিবৰ বাবেও প্ৰাৰ্থনা কৰে মহিলাসকলে৷ দেৱালয়খনত মহিলাসকলে গ্ৰহণ কৰা এই কাৰ্যসূচীত জৰুৰীকালীন সেৱাৰ লগত জড়িত জামুগুৰি আৰক্ষী থানাৰ ভাৰপ্ৰাপ্ত বিষয়া মানিক বৰমুদৈ, কেবাগৰাকীও সমাজসেৱক, সদৌ শোণিতপুৰ জিলা ছাত্ৰ সন্থাৰ সভাপতি অভিজিত নাথ,স দৌ জামুগুৰি ছাত্ৰ সন্থাৰ বিষয়ববীয়া সকলেও সহযোগ কৰে৷