মন্ত্ৰী সিদ্ধাৰ্থ ভট্টাচাৰ্যই উন্মোচন কৰিলে ড° বাণীকান্ত কাকতী বৈদ্যুতিক শ্মশান ।

গুৱাহাটী : লকাডাউনৰ মাজতে আজি গুৱাহাটী মহানগৰীৰ উলুবাৰীস্থিত ৰামকৃষ্ণ মিছন পথত অৱস্থিত ড° বাণীকান্ত কাকতী বৈদ্যুতিক শ্মশান উন্মোচন কৰা হয়৷ পূৱ গুৱাহাটী সমষ্টিৰ বিধায়ক তথা গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যই আজি দিনৰ ১২ বজাত আনুষ্ঠানিকভাৱে উন্মোচন কৰে৷ মন্ত্ৰী ভট্টাচাৰ্যই শ্মশান উন্মোচন কৰি কয় যে জি এম ডি এৰ অধীনত প্ৰায় ৫ কৌটি ৯ লাখ টকা ব্যায় সাপেক্ষে এই অত্যাধুনিক বৈদ্যুতিক শ্মশান নিৰ্মাণ কৰা হৈছে৷ কৰোনা আক্ৰান্ত হৈ মৃত্যু মুখত পৰা ব্যক্তিৰ শহদেহ শতকাৰ কৰাৰ যথেষ্ট অসুবিধা সন্মুখীত হৈছিল৷ ইয়াৰ বাবেই স্বাস্থ্য বিভাগে জিএমডিএক বৈদ্যুতিক শ্মশানখন ক্ষীপ্ৰতাৰে সম্পন্ন কৰাৰ বাবেই অনুৰোধ জনাই আহিছিল৷ সেয়েহে জি এম ডিয়ে আজি আনুষ্ঠানিকতাৰে ৰাইজৰ মাজত মুকলি কৰি দিয়ে বুলি মন্ত্ৰী ভট্টাচাৰ্যই উল্লেখ কৰে৷ উল্লেখ্য যে এতিয়াৰ পৰা গুৱাহাটী পৌৰনিগমে শ্মশানখনৰ দায়িত্ব গ্ৰহণ কৰিব৷ এই ক্ষেত্ৰত জি এম ডিএৰ মুখ্য কাৰ্যবাহী বিষয়া উমানন্দ দলেই গুৱাহাটী পৌৰনিগমৰ আয়ুক্ত দেবজ্যোতি হাজৰিকাক চুক্তিবদ্ধ ভাৱে দায়িত্ব অৰ্পণ কৰে৷ ৰামকৃষ্ণ মিছন শ্মশান সমিতিৰ মুখ্য উপদেষ্টা বিৰাজ চক্ৰৱৰ্তীয়ে পৌৰহিত্যত কৰা সভাখনত বিশিষ্ট ব্যক্তি হিচাপে জি এম ডিএৰ উপাধক্ষ্য মুকুতা ডেকা, জিএম ডিএৰ মুখ্য কাৰ্যবাহী বিষয়া উমানন্দ দলৈ, গুৱাহাটী পৌৰনিগমৰ আয়ুক্ত দেবজ্যোতি হাজৰিকা, শ্মশান সমিতিৰ সভাপতি সন্জীব ডেকা উপস্থিত থাকে৷ আনহাতে উন্মোচনী সভা অন্ত পৰাৰ পিছত মন্ত্ৰী সিদ্ধাৰ্থ ভট্টাচাৰ্যই শ্মশানখনৰ চৌহদত এটি গছপুলি ৰোপণ কৰে।