ৰক্ষকেই হব পাৰে ভক্ষক ! এন-৯৫ মাস্কৰ পিছত অতিমাত্ৰা ছেনিটাইজাৰ ব্যৱহাৰ নকৰিবলৈ স্বাস্থ্য মন্ত্ৰালয়ৰ সতৰ্কবাণী

দৈনন্দিন বাৰ্তা ডিজিটেল ডেস্কঃ কোৰোনা সংক্ৰমণৰ পৰা বাচিবলৈ প্ৰথমে এন-৯৫ মাস্ক প্ৰয়োজনীতাৰ কথা সকলোৱে কৈছিল যদিও শেহতীয়াকৈ কেন্দ্ৰই এক নিৰ্দেশনা জাৰি কৰি কৈছিল যে- এন-৯৫ মাস্কে এজন ব্যক্তি কোৰোনা সংক্ৰমণৰ পৰা বচাব নোৱাৰে, গতিকে পৰাপক্ষত এন-৯৫ মাস্কবিধ ব্যৱহাৰ কৰাটো সকলোৱে এৰিব লাগে। স্বাস্থ্য মন্ত্ৰণালয়ৰ ফালৰ পৰা জাৰি কৰা হৈছে নতুন নিৰ্দেশনা, অতিমাত্ৰা ছেনিটাইজাৰ ব্যৱহাৰ নকৰিব। অন্যথা স্বাস্থ্যৰ পক্ষে ক্ষতিকাৰক হ’ব পাৰে। ছেনিটাইজাৰ ব্যৱহাৰ সন্দৰ্ভত স্বাস্থ্য মন্ত্ৰালয়ে জাৰি কৰিছে বিশেষ সতৰ্কবাণী। স্বাস্থ্য মন্ত্ৰালয়ে জানিবলৈ দিয়া অনুসৰি হেণ্ড ছেনিটাইজাৰ অতিমাত্ৰা ব্যৱহাৰ কৰিলে ক্ষতিকাৰক হ’ব পাৰে। ছেনিটাইজাৰৰ অত্যাধিক ব্যৱহাৰে ছালক সুস্থ ৰখা ভাল বেক্টেৰিয়াবোৰক মাৰি পেলায়। যাৰ ফলত পাছত সমস্যা হ’ব পাৰে। উল্লেখ কৰিব পাৰি যে, ছেনিটাইজাৰৰ পৰিৱৰ্তে চাবোন আৰু পানীৰ ব্যৱহাৰ কৰিব লাগে।

✍ জ্যোতিস্মান শৰ্মা