স্নাতকোত্তৰ পৰীক্ষাত মিঠু মহন্তৰ সাফল্য

 উজনি-মাজুলী, ৭ ডিচেম্বৰঃ উজনি মাজুলী শ্ৰীৰাম বালিগাঁও চাৰিআলি নিবাসী মিঠু মহন্তই সদ্য ঘোষিত গুৱাহাটী বিশ্ববিদ্যালয়ৰ স্নাকোত্তৰ বিভাগৰ অন্তিম পৰীক্ষাত নৃতত্ব বিভাগৰ পৰা সুখ্যাতিৰে উত্তীৰ্ণ হৈ অঞ্চলটোলৈ সুনাম কঢ়িয়াই আনিছে। ছাত্ৰজনে নৃতত্ব বিভাগৰ পৰা ৮০.৯% শতাংশ নম্বৰ লাভ কৰি প্ৰথম শ্ৰেণীৰ প্ৰথম হিচাপে উত্তীৰ্ণ হৈছে । ছাত্ৰজনে জনোৱা মতে মাজুলীৰ দৰে এডোখৰ পিছপৰা ঠাইৰ পৰা গৈ গুৱাহাটী বিশ্ববিদ্যালয়ৰ দৰে অসমৰ এখন আগশাৰীৰ শিক্ষনুষ্ঠানত নিজকে সফল ছাত্ৰ হিচাপে পৰিগণিত কৰিব পৰাত তেওঁ অত্যন্ত সুখী। তেওঁ নিজৰ সাফল্যৰ বাবে পৰিয়ালৰ সহযোগিতা তথা বিশ্ববিদ্যালয়ৰ শিক্ষাগুৰুসকলৰ আশীৰ্বাদ আৰু বন্ধু বৰ্গৰ পৰা পোৱা অনুপ্ৰেৰণা কথা উল্লেখ কৰে । উল্লেখোগ্য যে ছাত্ৰজনে ২০১৮ বৰ্ষত গুৱাহাটীস্থিত আৰ্য্য বিদ্যাপীঠ মহাবিদ্যালয়ৰ পৰা একে বিভাগতে গুৱাহাটী বিশ্ববিদ্যালয়ৰ ভিতৰত প্ৰথম শ্ৰেণীৰ দ্বিতীয় স্থান লাভ কৰিছিল । ছাত্ৰজন উজনি মাজুলী এলেঙ্গী টকৌবাৰী সত্ৰৰ বৰ্তমানৰ সত্ৰাধিকাৰ , ভকতিদুৱাৰ উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ ঋষভ মহন্ত তথা শিক্ষয়িত্ৰী স্বৰ্গীয়া নয়নতৰা মহন্তৰ সন্তান।