বনপাৰ্টি শিল্পীৰ ওচৰত মঙলদৈৰ বিধায়ক : সাহায্য বিতৰণ

মঙলদৈ

বহাগ আহিলেই যেন এটা দিনো ৰ’বলৈ সময় নাই সেইসকল শিল্পীৰ৷ ইখনৰ পিছত সিখন যুগ্ম জীৱন, মাঙ্গলিক অনুষ্ঠানৰ বেনপাৰ্টি বজোৱাত ব্যস্ত হৈ পৰে৷ কিন্তু এইবেলি ক’ৰোনা মহামাৰীৰ বাবে সমগ্ৰ দেশ লকডাউনত থকাত মঙলদৈ সমষ্টিৰ অন্তগৰ্ত বেনপাৰ্টি শিল্পীসকল নিজৰ কৃষ্টিৰ মাজেৰে উপাৰ্জন পথটি চলাই নিব নোৱৰাত হাহাকাৰ অৱস্থাৰ সৃষ্টি হৈছে৷ এনে সময়তে সেইসকল বেনপাৰ্টি শিল্পীৰ কাষত থিয় দিলে মঙলদৈ সমষ্টিৰ বিধায়ক গুৰুজ্যোতি দাস৷ সাংবাদিক গনেশ দত্তই আঁত ধৰা চপাই নেহেৰু যুৱ কেন্দ্ৰৰ খেলপথাৰত সামাজিক দূৰত্ব বজাই ৰাখি অনুস্থিত কৰা সামগ্ৰী প্ৰদানৰ কাৰ্যসূচীত দৰং বিজেপিৰ সভাপতি অমৰ শৰ্মা, দৰঙৰ জ্যেষ্ঠ সাংবাদিক ক্ৰমে ভাৰ্গৱ কুমাৰ দাস, দৰং বিজেপিৰ মহিলা মৰ্চাৰ সভানেত্ৰী প্ৰেমদা ভূঞা, জিলা পৰিষদৰ সদস্যা কল্যাণী চহৰীয়াৰ উপস্থিতিত ৩ শতাধিক বেনপাৰ্টি শিল্পীৰ হাতত গাখীৰ, ৰুটি, দাইল, আলু, মিঠাতেল, চাবোন, মাস্ক, চাউল আদি সামগ্ৰীৰ টোপোলা এটাকৈ সকলোকে প্ৰদান কৰে৷ আনহাতে সামগ্ৰীখিনি প্ৰদান কৰি বিধায়ক গুৰুজ্যোতি দাসে বেনপাৰ্টি শিল্পীসকলক উদ্দেশ্য কৰি কয় যে তেওঁ ৩ শতাধিক বেনপাৰ্টি শিল্পীক বহুত কিবা দিব পৰা নাই৷ কিন্তু এনে সংকট কালত বিধায়ক হিচাপে দায়িত্ব পালন কৰি তেওঁলোকৰ কাষত থিয় দিছে বুলি উল্লেখ কৰে৷ বিধায়ক গৰাকীৰ এনে পদক্ষেপক বেনপাৰ্টিৰ শিল্পীসকলেও ভূয়সী প্ৰশংসা কৰে৷