Breaking

মিৰ্জাত মাহেকীয়া ই-আলোচনী “অনুপমা” উন্মোচন

0 264

নামখলা

সমগ্ৰ বিশ্বত ক’ৰোনা ভাইৰাছে সংহাৰী ৰূপ ধাৰণ কৰা সময়তে দক্ষিণ কামৰূপৰ মিৰ্জাৰ এগৰাকী সুলেখিকা শেৱালি দাসে এই লকডাউনৰ সময়তে “অনুপমা” নামৰ এখনী মাহেকীয়া ই-আলোচনী উন্মোচন কৰে৷ প্ৰথম বছৰৰ প্ৰথম সংখ্যাটি যোৱা ১৫ মে’ৰ দুপৰীয়া ১২ বজাত উন্মোচন কৰা হয় “অনুপমা”ৰ মুখ্য সম্পাদক শেৱালি দাসৰ বাসগৃহত। উন্মোচন কৰা সময়ত উপস্থিত থাকে  আলোচনীখনৰ বেটুপাতৰ মডেল মিকি ঠাকুৰীয়া আৰু সৌন্দৰ্য চৰ্চা শিতানত ঘৰুৱা ১০টা  টিপছ আগবঢ়োৱা তুলিকা ঠাকুৰীয়াৰ লগতে মুখ্য সম্পাদকগৰাকীৰ পৰিয়ালবৰ্গ। আনহাতে ৬৫ পৃষ্ঠা জোৰা এই আলোচনীখনত নাৰীৰ বিভিন্ন সমস্যা দাঙি ধৰাৰ লগতে গল্প, কবিতা, অনুগল্পও প্ৰকাশ পাইছে। তদুপৰি এই আলোচনীখনৰ ক্ষেত্ৰত  বিভিন্ন দিশত দিহা পৰামৰ্শ আৰু উৎসাহিত কৰা বাবে ৰাতুল দাস শৰণীয়াক মুখ্য সম্পাদকগৰাকীয়ে কৃতজ্ঞতা জ্ঞাপন কৰে৷ এই আলোচনীখন পঢ়িব বিচাৰিলে শেৱালি দাসৰ ফেচবুক প্ৰফাইলত গৈ পোৱা লিংকত ক্লিক কৰিলেই পায়৷ উল্লেখযোগ্য যে উক্ত অনুষ্ঠানৰ সৈতে সংগতি ৰাখি  নিজৰ জীৱনকো তুষ্ট কৰি জৰুৰী সেৱাৰ সৈতে জড়িত হৈ থকা এই অঞ্চলৰ স্থানীয় সাংবাদিকসকলক একোখন কৈ ফুলাম গামোচা, মাস্ক আৰু ছেনিটাইজাৰে সম্বোধনা জনাই কৃতজ্ঞতা জ্ঞাপন কৰে৷

Leave A Reply