উজনি মাজুলীৰ গেজেৰাত শোকাৱহ ঘটনা।

0 919

উজনি-মাজুলী : উজনি মাজুলীৰ নতুন বজাৰ তহলদাৰী আৰক্ষী চকীৰ অন্তৰ্গত মাজ গেজেৰা গাঁৱত মঙ্গলবাৰে বিয়লি প্ৰায় ৫.৩০ বজাত এক শোকাৱহ ঘটনা সংঘটিত হয়। ঘটনাৰ বিবৰণী অনুসৰি মাজ গেজেৰা গাঁৱৰ সমীপবৰ্তী লেপং গাঁৱৰ উৎপল দলেৰ পুত্ৰ পাপু দলে (১৭) ক পানীয়ে উটুৱাই নিয়ে। জানিব পৰা মতে পাপু দলে নামৰ কিশোৰ জনে এজন সমনীয়াৰ সৈতে গেজেৰা গাঁৱৰ দক্ষিণ দিশত থকা ব্ৰহ্মপুত্ৰৰ এটা উপ-সুঁতিত মাছ ধৰিবলৈ গৈ সংঘটিত হয় এই দুৰ্ঘটনাৰ। ঘটনাস্হলিত আৰক্ষী আৰু SDRF উপস্থিত হৈ ৰাতি ১২ বজালৈকে অনুসন্ধান কৰে যদিও প্ৰতিকূল বতৰৰ বাবে অভিযান স্থগিত ৰাখিব লগাত পৰে। আজি পুৱাৰে পৰা পুনৰ অভিযান আৰম্ভ কৰি আগবেলা ১০.৩০ বজাত যুৱকজনক মৃত অৱস্থাত উদ্ধাৰ কৰিবলৈ সক্ষম হয়।