হাঁহচৰা প্ৰেছ ক্লাবলৈ মিষ্টাৰ ইণ্ডিয়াৰ বিজিত গগৈ মহানুভৱতা
শিৱসাগৰ
শিৱসাগৰ জিলাৰ হাঁহচৰা প্ৰেছ ক্লাবলৈ মিষ্টাৰ ইণ্ডিয়া বিজিত গগৈ ফেণ্ডচ ক্লাবৰ মহানুভৱতা। ভয়াবহ ক’ৰোনা ভাইৰাছক প্ৰতিহত কৰিবলৈ দেশত ঘোষিত হ’ল লকডাউন। দেশত মহামাৰী ক’ৰোনা ভাইৰাছে ভয়াবহ ৰূপ লোৱাৰ মাজতেব নিজৰ জীৱনকো তুচ্ছ কৰি দেশৰ জন্মভূমি, কৰ্মভূমি আৰু পূৰ্ণভূমিক শ্ৰদ্ধা কৰি সাংবাদিকসকলে ইমুৰৰ পৰা সিমূৰলৈ বাতৰি সংগ্ৰহ কৰিছে। উল্লেখ্য যে হাঁহচৰা প্ৰেছ ক্লাবৰ বিষয়ববীয়াসকলে কেৱল সংবাদ সংগ্ৰহতে ব্যস্ত নাথাকি জনহিতাৰ্থৰ হকে চৰকাৰক সহযোগিতা আগবঢ়োৱাৰ উদ্দেশ্যে জনসজাগতা আয়োজন কৰি আৰ্তজনক সাহায্য প্ৰদান কৰাৰ লগতে বিভিন্ন উন্নয়নমূলক কাম কৰি আহিছে। ঠিক সেই সময়তে হাঁহচৰা প্ৰেছ ক্লাবত মিষ্টাৰ ইণ্ডিয়া বিজিত গগৈ ফেণ্ডচ ক্লাবে সাংবাদিকসকলক উৎসাহিত কৰিবৰ বাবে হাঁহচৰা প্ৰেছ ক্লাবৰ সাংবাদিকসকলক আগবঢ়ালে ছেনিটাইজাৰ লগতে কিছু প্ৰয়োজনীয়তা সামগ্ৰীৰ। উক্ত বিতৰণ কাৰ্যসূচীত বিজেপি শিৱসাগৰ জিলা সমিতিৰ উপ-সভাপতি মাধুৰ্য বৰগোহাঁই , দীনদয়াল ভৱনৰ কাৰ্যকৰ্তা মানস বৰপাত্ৰগোহাঁই উপস্হিত থাকে। লকডাউন সময়ত হাঁহচৰা গ্ৰাম্য অঞ্চলৰ সাংবাদিকসকলক মিষ্টাৰ ইণ্ডিয়া বিজিত গগৈ ফেণ্ডচ ক্লাব আৰু দীনদয়াল ভৱনৰ কাৰ্যকতা সকলে সহানুভূতি জনোৱাৰ বাবে হাঁহচৰা প্ৰেছ ক্লাবৰ তৰফৰ পৰা ধন্যবাদ জ্ঞাপন জনাইছে।