শিলপুখুৰী কালি মন্দিৰত নক্ষত্ৰৰ দুপৰীয়াৰ আহাৰ বিতৰণ

দৈনন্দিন বাৰ্তা ডেস্ক : কৰোনা মহামাৰীৰ সংক্ৰান্তত চলিত বৰ্ষৰ লকডাউনে সৰ্বস্তৰৰ জনসাধাৰণক আৰ্থিকভাৱে কোঙা কৰিছে৷ সাধাৰণ শ্ৰমজীৱী জনসাধাৰণে খাদ্য সংকটৰ সন্মুখীন হৈছে ৷ ইয়াৰ বাবেই ব্যক্তিগত সামাজিক সংস্থা নক্ষত্ৰই আজি মহানগৰীৰ শিলপুখুৰীৰ নৱগ্ৰহ কালি মন্দিৰ প্ৰাংগণত দুপৰীয়াৰ আহাৰ বিতৰণ কৰে৷ সভাপতি বলিন বৰঠাকুৰ, ৰাজ্যৰ মুখ্যমন্ত্ৰী আইন উপদেষ্টা শান্তনু ভৰালীয়ে অনুষ্ঠানত উপস্থিত থাকি শ্ৰমজীৱী মানুহৰ মাজত আহাৰ বিতৰণ কৰা দেখিবলৈ পোৱা গৈছে ৷ দিনৰ ১ বজাৰ পৰা ৩ বজালৈ আৰম্ভ কৰা আহাৰ বিতৰণ অনুষ্ঠানত প্ৰায় দুই শতাধিক ব্যক্তিয়ে আহাৰ গ্ৰহণ কৰে৷ উল্লেখ্য যে সমাজকৰ্মী চিন্তু ডেকা লগতে নক্ষত্ৰৰ কেইবাগৰাকী বিষয়ববীয়া উপস্থিত থাকি সহযোগিতা আগবঢ়ায়।