নলবাৰীত নতুনকৈ হ’ব লগা কোৱাৰেণ্টাইন চেণ্টাৰ পৰিদৰ্শন নলবাৰী সমষ্টিৰ বিধায়ক অশোক শৰ্মাৰ

নলবাৰী

নলবাৰী জিলাত আকৌ নতুনকৈ আৰম্ভ কৰা হ’ব তিনিটাকৈ কোৱাৰেণ্টাইন চেণ্টাৰ। নলবাৰী জিলাত ক্ৰমে এছ আৰ ডি কাৰ্যালয়, কুমাৰ ভাস্কৰবাৰ্মা বিশ্ববিদ্যালয় আৰু নলবাৰী মহেন্দ্ৰ নাৰায়ন চৌধুৰী বালিকা মহাবিদ্যালয়ত নতুনকৈ কাইলৈৰ পৰা স্থাপন হ’ব এই কোৱাৰেণ্টাইন চেণ্টাৰ। সেইমৰ্মে আজি নলবাৰীৰ স্থানীয় বিধায়ক অশোক শৰ্মা, নলবাৰী এন ডি এ ৰ নৱ নিযুক্ত অধ্যক্ষ বনদ্বীপ ডেকা, জিলা বিজেপিৰ সভাপতি মৃগাংক তালুকদাৰ, নলবাৰী ৰাজহ চক্ৰ বিষয়াসহ প্ৰমুখ্যে বহুকেইজন বিষয়ববীয়াই এই কেন্দ্ৰসমূহ পৰিদৰ্শন কৰে। উল্লেখ্য যে বহিঃৰাজ্যৰ পৰা অহা লোকসকলক এই কোৱাৰেণ্টাইন চেণ্টাৰসমূহত কোৱাৰেণ্টাইন কৰা হ’ব৷