Breaking

গুৱাহাটী পৌৰসভাৰ নিৰ্বাচনৰ বিজয়ী প্ৰাৰ্থী সকলক টুইটযোগে কৃতজ্ঞতা নৰেন্দ্ৰ মোডীৰ ……….

0 21

ঘোষিত হোৱা গুৱাহাটী পৌৰসভাৰ নিৰ্বাচনৰ বিজয়ী প্ৰাৰ্থী সকলক টুইটযোগে কৃতজ্ঞতা জ্ঞাপন কৰিলে প্ৰধানমন্ত্ৰী নৰেন্দ্ৰ মোডীয়ে। তেওঁ লিখিছে, ‘ধন্যবাদ গুৱাহাটী! এই আকৰ্ষণীয় চহৰখনৰ লোকসকলে বিকাশৰ নীতি গঢ়ি তুলিবলৈ @BJP4Assamক জনাদেশ প্ৰদান কৰিছে ৷ তেওঁলোকে মুখ্যমন্ত্ৰী @himantabiswaৰ অধীনত ৰাজ্য চৰকাৰখনৰ কঠোৰ পৰিশ্ৰমৰ বাবেও আশীৰ্বাদ কৰিছে ৷ প্ৰতিজন বিজেপি কৰ্মকৰ্তা আৰু তেওঁলোকৰ কঠোৰ পৰিশ্ৰমক মই কৃতজ্ঞতা জনাইছো।’

উল্লেখ্য যে, বিজেপি মিত্ৰজোঁটে বৃহৎ জয়লাভেৰে পৌৰনিগম দখল কৰিবলৈ সক্ষম হয়। বিজেপি মিত্ৰজোঁটে ৫৮টা ৱাৰ্ড, আম আদমী পাৰ্টীয়ে ১টা আৰু অসম জাতীয় পৰিষদে এটা ৱাৰ্ডত জয়লাভ কৰিবলৈ সক্ষম হয়। ৬০টা ৱাৰ্ড যুক্ত গুৱাহাটী পৌৰসভাৰ ইতিমধ্যে ৫নং,৬নং আৰু ২২নং ৱাৰ্ডত বিনা প্ৰতিদ্বন্দিতাৰে জয়ী হৈছে বিজেপি প্ৰাৰ্থী।