নাৰ্কটিকচ কণ্ট্ৰোল ব্যুৰ’ই (এন চি বি)-এ আজি কমেডীয়ান ভাৰতী সিং আৰু হাৰ্চ লিমবাচিয়াৰ আন্ধেৰি স্থিত বাসগৃহত অভিযান চলাই ।
ভাৰতী সিং আৰু হাৰ্শ লিমবাচিয়া
জানিব পৰা মতে, তেওঁলোকৰ ঘৰৰ পৰা সামান্য পৰিমাণৰ ড্ৰাগছ জব্দ কৰা হৈছে।
ইয়াৰ পূৰ্বে অভিনেতা অৰ্জুন ৰামপালৰ বাসগৃহত এন চি বিয়ে অভিযান চলাইছিল ।
এন চি বিয়ে ড্ৰাগছৰ সৈতে জড়িত থকা বলীউডৰ ২৩ জনৰো অধিক লোকক আটক কৰিছে, যাৰ ভিতৰত আছে অভিনেত্ৰী ৰিয়া চক্ৰৱৰ্তী, তেওঁৰ ভাতৃ চৌভিক চক্ৰৱৰ্তী, সুশন্ত সিং ৰাজপুতৰ গৃহ পৰিচালক চেমুৱেল মিৰাণ্ডা আৰু গৃহ সহায়ক দিপেশ সাৱন্ত। ৭ অক্টোবৰত অক্টোবৰত মুম্বাই উচ্চ আদালতে ৰিয়া চক্ৰৱৰ্তীক জামিন প্ৰদান কৰিছিল। তেওঁ ২৮ দিন ন্যায়িক জিম্মাত কটাইছিল। কিন্তু তেওঁৰ ভাতৃ চৌভিক চক্ৰৱৰ্তীৰ জামিন আবেদন নাকচ কৰা হৈছিল।