২০২২ চনৰ ফিফা বিশ্বকাপত পৰাজয়ৰ পিছত নেইমাৰে অৱসৰ ল’ব?ব্ৰাজিলৰ দলটোৱে ফিফা বিশ্বকাপ ২০২২ৰ পৰা আঁতৰি আহিছে। দলটোৰ এই পৰাজয়ৰ পিছত তাৰকা ফুটবলাৰ নেইমাৰে নিজৰ এটা বক্তব্যৰে অনুৰাগীক ডাঙৰ আঘাত দিছে। ৫ বাৰৰ চেম্পিয়ন ব্ৰাজিল ফিফা বিশ্বকাপ ২০২২ৰ পৰা বাহিৰ হ’ল। পেনাল্টি শ্বুট আউটত ব্ৰাজিলক ৪-২ গ’লত পৰাস্ত কৰি ক্ৰ’ৱেচিয়া প্ৰতিযোগিতাখনৰ পৰা বাহিৰ হয়। কোৱাৰ্টাৰ ফাইনেলত পৰাজয়ৰ লগে লগে ব্ৰাজিলৰ তাৰকা ফুটবলাৰ নেইমাৰৰ খিতাপৰ সপোনও ভাঙি গৈছে। এই পৰাজয়ৰ পিছত তেওঁৰ অৱসৰৰ খবৰও তীব্ৰতৰ হৈ পৰিছে। মেচৰ পিছত তেওঁ এনে এক বক্তব্য দিছিল যিয়ে অনুৰাগীক ডাঙৰ আঘাত দিছে।
তাৰকা ফুটবলাৰ নেইমাৰে অৱসৰ ল’ব?
ব্ৰাজিলৰ এই বৃহৎ পৰাজয়ৰ পিছত দলৰ প্ৰশিক্ষক টাইটে পদত্যাগ কৰিছে যদিও এতিয়া অনুৰাগীসকলেও নেইমাৰৰ অৱসৰক লৈ আতংকিত হৈ পৰিছে। এই পৰাজয়ৰ পিছত তেওঁ ব্ৰাজিলৰ হৈ খেলাৰ প্ৰতিশ্ৰুতি নাকচ কৰিছে। একে সময়তে পথাৰৰ মাজতো তিতাকৈ কান্দি থকা দেখা গ’ল। কোৱাৰ্টাৰ ফাইনেল মেচখনৰ পিছত আগলৈ খেলাৰ সন্দৰ্ভত ই এছ পি এনক নেইমাৰে কয়, ‘সঁচা কথা ক’বলৈ গ’লে মই নাজানো। এই মুহূৰ্তৰ বাবেই কথা কোৱাটো উচিত নহয় বুলি মই ভাবো। হয়তো মই পোনে পোনে চিন্তা কৰা নাই। এইটোৱেই শেষ বুলি কোৱাটো নিজেই বহুত সোনকালে, কিন্তু মই একো নিশ্চয়তা নিদিওঁ।