“কা” বিৰোধী ঐক্য মঞ্চ,টিংখাঙৰ আহবানত দিনজোৰা অনশন, অখিল গগৈ ,বলদেৱ তেলী ,দেবাংগনা কলিতাৰ মুক্তিৰ দাবী।

টিংখাং

নাগৰিকত্ব সংশোধনী আইন বিৰোধী ঐক্য মঞ্চ, টিংখাঙৰ তৰফৰ পৰা আহবান জনোৱা দিন জোৰা অনশন কাৰ্যসূচীৰ প্ৰতি সমৰ্থন জনাই আজি  সমষ্টিৰ বিভিন্ন ঠাইত বিভিন্ন দল সংগঠন ব্যক্তিয়ে অনশন কাৰ্যসূচী ৰূপায়ণ কৰে।সমষ্টিটোৰ অন্তৰ্গত টিংখাং,শলগুৰি,বৰবাম,ৰাজগড়, নাচনি,লেঙেৰী আদি পঞ্চায়তত অনশন কাৰ্যসূচী ৰূপায়ণ কৰা হয় । আজিৰ কাৰ্যসূচীৰ যোগেদি মঞ্চই প্ৰব্ৰজিত শ্ৰমিকক চৰকাৰী খৰচত শীঘ্ৰে নিজ গৃহলৈ ঘুৰাই অনাৰ ব্যৱস্থা কৰা,কামৰ সময় ১২ ঘন্টা কৰা বন্ধ কৰা,দিহিং পাটকাই আৰু ডিব্ৰু ছৈখোৱা ধ্বংস কাৰ্য বন্ধ কৰা,দিবাং ভেলী জলবিদ্যুৎ প্ৰকল্পৰ নিৰ্মাণ বন্ধ কৰা,”কা” আন্দোলনৰ নেতা বলদেব তেলীক মুক্ত কৰি দিয়া,অখিল গগৈ,দেবাংগনা কলিতাসহ সকলো কা-বিৰোধী আন্দোলনৰ বন্দীক মুক্তি,চৰকাৰক সমালোচনা কৰা সকলক  ষড়যন্ত্ৰ মূলকভাবে গোচৰ জাপি দি  গ্ৰেপ্তাৰ কৰা  কাৰ্য বন্ধৰ দাবী জনায়।মঞ্চৰ সভাপতি আৰু সম্পাদক ক্ৰমে যাদব গগৈ আৰু বিপ্লৱ বৰুৱাই এক বিবৃতি যোগে আজি  অনশন কাৰ্যসূচী সফল ৰূপায়ণ কৰাৰ বাবে অংশগ্ৰহণকাৰী সকলক ধন্যবাদ জ্ঞাপন কৰে । বিবৃতিটোৰ যোগেদি সভাপতি আৰু সম্পাদকে চৰকাৰক জনবিৰোধী নীতি শীঘ্ৰে উঠাই লবলৈ দাবী জনোৱাৰ লগতে বলদেব তেলী ক তাৎক্ষনিকভাবে মুকলি কৰি দিয়া আৰু চৰকাৰৰ সমালোচনা কৰা সকলৰ ওপৰত ভুৱা গোচৰ জাপি দি গ্ৰেপ্তাৰ কৰা বন্ধ কৰিবলৈ সকীয়াই দিয়ে।অন্যথা অনাগত সময়ত চৰকাৰ তীব্ৰ গণ প্ৰতিবাদৰ সন্মুখীন হ’বলৈ সাজু থাকিব লাগিব বুলি সাৱধান কৰি দিয়ে।ৰাজগড়ত কা’ বিৰোধী ঐক্যমঞ্চ, টিংখাঙৰ সভাপতি যাদৱ গগৈ, সম্পাদক বিপ্লৱ বৰুৱা , কৃষক মুক্তি সংগ্ৰাম সমিতিৰ উপদেষ্টা মধুৰাম গগৈ প্ৰমুখ্যে কেবাজনা ব্যক্তিয়ে অনশন কাৰ্যসূচী ৰূপায়ণ কৰে। আনহাতে চি পি আই (এম এল)ৰ নেতা বলিন্দ্ৰ শইকীয়াৰ নেতৃত্ব এটা দলে ৰাজগড়ত থকা দলটোৰ কাৰ্যালয়ত অনশন কাৰ্যসূচী পালন কৰে।