১৫ শ পৰিয়ালক অকলেই পানীৰ মাজৰ পৰা উদ্ধাৰ কৰিলে এগৰাকী মহান ব্যক্তিয়ে।
হোজাই
দিন ৰাতি একাকাৰ কৰি বানৰ মাজত আবদ্ধ হৈ থকা শ শ পৰিয়ালক উদ্ধাৰ কৰি মানৱতাৰ নিদৰ্শন ডাঙি ধৰিলে কান্ধুলিমাৰী গাৱৰ সমাজ সেৱক জাইদুৰ ৰহমানে।তিনিদিনীয়া নেৰানেপেৰা বৰষুণৰ ফলত কপিলীৰ বাঢ়নি পানীত আবদ্ধ হৈ থকা হোজাই সমষ্টিৰ কান্ধুলিমাৰী, আমলীপুখুৰী,ডবকা নলা,,ৰাজবাৰী, আদি বিভিন্ন এলেকাত পানীৰ মাজত আবদ্ধ হৈ থকা শ শ পৰিয়ালক তিনিখন নাৱৰে উদ্ধাৰ কৰি ৰাজবাৰী , ৰেল লাইন আৰু আমলীপুখুৰী প্ৰাথমিক বিদ্যালয় আদি ঠাইত আশ্ৰয় প্ৰদান কৰিলে সমাজ সেৱক জাইদুৰ ৰহমানে।কপিলী পানীয়ে নমাই অনা এই মহা দুৰ্যোগৰ সময়ত মানৱতাৰ নিদৰ্শন ডাঙি ধৰা কান্ধুলিমাৰী গাৱৰ সমাজ সেৱক জাইদুৰ ৰহমানক ধন্যবাদ জনালে সকলোৱে । কপিলীৰ পানী ফেনেফুটুকাৰে বাঢ়ি অহাত হোজাই জিলাৰ বিভিন্ন স্থানৰ লগতে কান্ধুলিমাৰী অঞ্চলতো পানীৰ মাজত আবদ্ধ হৈ পৰিছিল এইসকল পৰিয়াল। ইফালে শুক্রবাৰে হোজাই জিলা প্ৰশাসনেও SDRF বাহিনীৰ সহযোগত উদ্ধাৰ কাৰ্য চলাই শ শ পৰিয়ালক উদ্ধাৰ কৰিলে হোজাই জিলা বিভিন্ন এলেকাৰ পৰা । SDRF বাহিনীৰ উদ্ধাৰ কাৰ্যত সহযোগ কৰিছিল হোজাই BDO, ৰাজহ চক্ৰ বিষয়া আৰু সমাজ সেৱক জাইদুৰ ৰহমানে। বানাক্রান্ত লোকসকলক উদ্ধাৰ কৰি ওখ স্থানত আশ্ৰয় প্ৰদান কৰি যোগান ধৰিছে খাদ্য সামগ্ৰী।