হোজাইত বন্য হস্তিৰ আক্ৰমনত এজন নিহত

হোজাই, ১৭ চেপ্তেম্বৰঃ হোজাইত বন্য হস্তিৰ আক্ৰমনত নিহত হয় এজন স্থানীয়ৰ। হোজাই শালবাগানত হাতীৰ আক্ৰমত নিহত হয় ৰ্কুকুট বস্তি বন গাওঁৰ বিনু ৰ্কুকুট (৫০) নামৰ লোকজন। অঞ্চলটোত খাদ্যৰ সন্ধানত বনাঞ্চলৰ পৰা উলাই অহা হাতীৰ উপদ্ৰপে বিনষ্ট কৰি আহিছে ধাননী পথাৰ। স্থানীয় লোকে দিয়া মন্তব্য অনুসৰি পথাৰৰ ধান খেতি পহৰা দিয়াৰ উদ্দেশে যাওঁতে বনাঞ্চলৰ মাজত সংঘটিত হয় এই ঘটনা। পুৱা বন বিভাগ আৰু আৰক্ষীৰ দলে ঘটনা স্থলীত উপস্থিত হৈ বনাঞ্চলৰ পৰা নিহত লোকজনৰ মৃতদেহ উদ্ধাৰ কৰে। সংৰক্ষিত বনাঞ্চলৰ পৰা খাদ্যৰ সন্ধানত খেতিত প্ৰৱেশ কৰি অনিষ্ট কৰা কাৰ্য্যত নিদ্ৰা হৰণ কৰি আহিছে স্থানীয়ৰ, অন্যহাতে বন্য হস্তিৰ আক্ৰমনত নিহত হোৱাত আতঙ্কত ভুগিছে স্থানীয় লোক।